काठमाडाैं । देशका विभिन्न स्थानबाट लागूऔषधसहित ९ जना पक्राउ परेका छन् । झापाकाे कमल गाउँपालिका-७ धिमाल डाँडास्थित सानो होटलबाट अवैध लागूऔषध गाँजा २ सय ५० ग्राम र ब्राउनसुगर जस्तो देखिने पदार्थ ४ ग्रामसहित होटल सञ्चालक बि माया धिमालसमेत ४ जनालाई प्रहरीले पक्राउ गरेको छ । ईलाका प्रहरी कार्यालय दमकबाट खटिएको प्रहरीले उनीहरूलाई उक्त परिमाणको लागूऔषधसहित पक्राउ गरेको हो ।
दाङकाे घोराही उपमहानगरपालिका-१४ नयाँ बसपार्कबाट ब्राउनसुगर जस्तो देखिने पदार्थ २ ग्राम २ सय ३० मिलिग्राम र नगद ३५ हजार ३ सय ५ रूपैयाँसहित सोही ठाउँ बस्ने ३७ वर्षीया कमली नेपालीलाई प्रहरीले पक्राउ गरेको छ । वडा प्रहरी कार्यालय घोराहीबाट खटिएको प्रहरीले सोही ठाउँस्थित कमलीको रेष्टुरेन्ट तलासी गर्दा उक्त लागूऔषध फेला पारी उनलाई पक्राउ गरेको हो ।
मकवानपुरकाे थाहा नगरपालिका-८ गल्छीबाट अवैध लागूऔषध गाँजा करिब १० किलो र नगद ७४ हजार ९ सय ९५ रूपैयाँसहित धादिङ गजुरी गाउँपालिका-८ महादेवखर्क बस्ने ४३ वर्षीय सानुकान्छा स्याङतानलाई प्रहरीले पक्राउ गरेको छ । ईलाका प्रहरी कार्यालय पालुङबाट खटिएको प्रहरीले उनलाई उक्त गाँजासहित पक्राउ गरेको हो ।
कञ्चनपुरकाे भिमदत्त नगरपालिका-१० व्यारेल गडडाचौकीबाट अवैध लागूऔषध खैरो हेरोइन ८३ मिलिग्रामसहित २ जनालाई प्रहरीले पक्राउ गरेको छ । पक्राउ पर्नेहरूमा सोही नगरपालिका-३ बस्ने २८ वर्षीय दिवस कुँवर र सोही नगरपालिका-१ बस्ने २८ वर्षीय प्रेम राज जोशी रहेका छन् । प्रहरी चौकी गड्डाचौकीबाट खटिएको प्रहरीले उनीहरूलाई उक्त लागूऔषधसहित पक्राउ गरेको हो ।
कञ्चनपुरकै बेलौरी नगरपालिका-१० सडकघाटबाट अवैध लागूऔषध खैरो हेरोइन जस्तो देखिने पदार्थ ७ सय ७० मिलिग्रामसहित सोही नगरपालिका-१० शिवनगर बस्ने २६ वर्षीय प्रशान्त चौधरीलाई प्रहरीले पक्राउ गरेको छ । प्रहरी चौकी भुडाबाट खटिएको प्रहरीले उनलाई उक्त पदार्थसहित पक्राउ गरेको हो ।
