नवलपरासी । पश्चिम नवलपरासी प्रतापपुर गाउँपालिकामा ठूलो परिणाममा लागू औषध सहित ३ जनालाई प्रहरीले नियन्त्रणमा लिएको छ ।
सो गाउँपालिका वडा न. १ बाउन्न गढी स्थित दक्षिणबाट उत्तरतर्फ आउदै गरेको यूपी ५३ बीआर ५०९० नम्बरको भारतीय मोटरसाइकल चेकजाँच गर्दा लागू औषध सहित २ जनालाई नियन्त्रणमा लिइएको जिल्ला प्रहरी कार्यालयका सूचना अधिकारी डिएसपी भोजराज पाण्डेले जानकारी दिएका छन् ।
विशेष सुचनाका आधारमा ईलाका प्रहरी कार्यालय सेमरीका प्रहरी सहायक निरीक्षक मदन बस्यालको कमान्डमा खटेको प्रहरी टोलीले लागू औषध राखिएको बोराको झोला सहित मोटरसाइकल चालक सोही गाउँपालिका वडा न.२ सेमरी बस्ने वर्ष २७ का आकाश धरिकार र मोटरसाइकल पछाडि बस्ने उच्चमी टाडिका किशोर केवटलाई नियन्त्रणमा लिएको डिएसपी पाण्डेले बताउनु भएको छ ।
लागू औषध लिइ आउने अभियुक्तबाट प्रोक्सो स्पास्मो ४ सय ७५ ट्याबलेट र टोरेक्स १ सय एम एलको १० बोतल बरामद गरिएको हो । लागू औषध सहित नियन्त्रणमा परेका धरिकार र केवट सङ्ग अनुसन्धानको क्रममा सोधपुछ गर्दा लागू औषधलाई प्रतापपुर वडा न.१ बस्ने वर्ष ४० की कमला खाण ठकुरीलाई बिक्री गर्नका लागि ल्याएको भन्ने खुल्न गएको प्रहरीको भनाइ रहेको छ ।
ईलाका प्रहरी कार्यालय बर्दघाटक प्रहरी टोलीले खाणको घरमा रित पुर्वक खान तलासी गर्दा भान्साकोठा र कुखुराको खोरबाट लागू औषध बरामद भएकोले प्रारम्भिक अनुसन्धान पूरा गरि लागू औषध मुद्दामा म्याद थपको लागि जिल्ला अदालत परासी पठाइएको प्रहरीले जनाएको छ ।
प्रहरीले खाणको घरमा खान तलासी गर्दा घरबाट प्रोक्सो स्पास्मो ८९ क्यापसुल, नाइट्रोभेट ३ सय ७८ ट्याबलेट, ओनिक्स ६ एम एलको १ बोतल र टोरेक्स १ सय एम एलको १ बोतल रहेको बताइएको छ ।
