बौनियाँ । जिल्लाको बर्दगोरीया गाउँपालिका वडा नं. ३ मा उपभोक्ता समितिका पदाधिकारीहरुका लागी एक दिने अभिमुखिकरण तथा क्षमता अभिबृद्धि तालिम सम्पन्न भएको छ ।
पालिका अन्तर्गतका ६ वटै वडामा उपभोक्ता समितिलाई अभिमुखीकरण थालेको छ । वडा अध्यक्ष करर्ने सुनारको अध्यक्ष्तामा उक्त कार्यक्रममा भएको थियो ।
कार्यक्रमको समापन गर्दै वडा अध्यक्ष करर्ने सुनारले उपभोक्ता समितिले कमाउने, नाफा खोज्ने नभई राम्रो काम गर्ने उद्देश्य लिएर अगाडी बढनु पर्ने बताउनु भयो । उपभोक्ता समितिलाई आग्रह गर्दै वडा अध्यक्ष सुनारले भन्नुभयो । ईन्जिनियरले ईस्टिमेट दिए पछि मात्र काम गर्नुहोस । कार्यक्रममा प्रमुख अतिथि गाउँपालिका उपाध्यक्ष भगवतीदेवी डंगौरा थारु रहनु भएको थियाे भने कार्यक्रममा बिशिष्ट अथिती प्रमुख प्रशासकिय अधिकृत अर्जुन सिंह कार्की थिए कार्यक्रममा सुभकामना मन्तव्य वडासदस्य बुद्धिसरा विश्वकर्माले समेत राखेकी थिइन् ।
आयोजनाको कामलाई गुणस्तयुक्त ढंगले तोकिएकै समयमा सम्पन्न गर्नका लागि गाउँपालिकाले उपभोक्ता समितिका लागि १ दिवसीय अभिमुखीकरण तथा क्षमता अभिवृद्धि कार्यक्रम गरेको हो ।
चालू आर्थिक वर्ष २०७८/०७९ मा सञ्चालित योजनाको उपभोक्ता समितिलाई मितव्यायिता, आर्थिक पारदर्शीता कायम गर्न प्रचलित आर्थिक ऐनकानुनमा भएका व्यवस्था अनुसार प्रक्रिया पूरा गर्नुपर्ने बारे जानकारी गरिएको बताइएको छ ।
स्वीकृत वार्षिक कार्ययोजना बमोजिम माघ मसान्तसम्ममा सम्झौता भई कार्यान्वयन हुनुपर्ने योजनालाई लक्षित गर्दै गाउँपालिकाले मंगलबार वडा ३ का ४१ जना उपभोक्ता समितिका पदाधिकारीलाई सहभागि गराएर एक दिने अभिमुखीकरण कार्यक्रम गरेको हो ।
निर्धारित समयमा आयोजनाको काम सम्पन्न गर्ने वातावरण निर्माणका लागि र आयोजना सञ्चालनका क्रममा हुने ढिलासुस्ती कम गर्दै प्राविधिक नाप नक्सांकन, लागत ईस्टिमेट अनुसारको मापदण्डअनुसार गुणस्तरीय ढंगले काम गर्न/गराउनका लागि अभिमुखीकरण कार्यक्रम गरिएको गाउँपालिकाका प्रमुख प्रशासकीय अधिकृत अर्जुनसिंह कार्कीले बताउनुभयो ।
अभिमुखीकरणमा सहभागि उपभोक्ता समितिका पदाधिकारीलाई उपभोक्ता समिति गठन, सञ्चालन तथा व्यवस्थापन कार्यविधि, उपभोक्ता समितिको खाता सञ्चालन सम्बन्धी प्रकृया, योजना सम्झौता,कामको गुणस्तर, कार्य सम्पन्न प्रतिवेदन, अन्तिम भुक्तानी निकासा र योजना फर्छ्यौटसम्मका चरणका बारेमा जानकारी दिइएको छ ।
त्यस्तै, योजनाको लागत ईस्टिमेट, रनिङ बिल, अनुगमन, पेश्की तथा अन्तिम भुक्तानी माग गर्दा आवश्यक पर्ने कागजात, बिल भर्पाइ, योजना सम्झौता, अभिलेखन व्यवस्थापन, बैठक निर्णय लेखन तथा व्यवस्थापन र उपभोक्ता समिति गठन, सञ्चालन तथा व्यवस्थापन कार्यविधिको अनूसुची बारेमा गाउँपालिका लेखाशाखाका लेखापाल डिल्लीप्रसाद खनालले सहजीकरण गर्नुभएको थियो ।
उपभोक्ता समितिको काम, कर्तव्य र अधिकार, अनुगमन तथा सुपरीवेक्षण, सामाजिक परीक्षण, होर्डिङबोर्ड, लेखा परीक्षण लगायतका बारेमासमेत जानकारी दिइएको गाउँपालिकाका प्राविधिक शाखाका सवईन्जिनियर सुनिल जोशीले बताउनुभयो ।
गाउँपालिकाले सबै ६ वडामा उपभोक्ता समितिका लागि पनि अभिमुखीकरण कार्यक्रम सञ्चालन गरिने बताउनुभयो ।
कार्यक्रममा स्वागत मन्तव्य वडा सचिव सिताराम चौधरीले गरेका हुन भने कार्यक्रमको संचालन आलेप विष्णु विष्टले गर्नुभएको थियो ।
