काठमाडौँ । राष्ट्रिय सभामा आगामी आर्थिक वर्ष २०८२/८३ का लागि संसद्मा प्रस्तुत बजेटमाथि छलफल सुरु भएको छ ।बुधबार राष्ट्रियसभाको बैठकमा उपप्रधानमन्त्री एवं अर्थमन्त्री विष्णुप्रसाद पौडेलले ‘आर्थिक वर्ष २०८२/८३ को राजस्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव प्रस्तुत गरेसँगै बजेटमाथिको छलफल शुरु भएको हो ।
अर्थमन्त्री पौडेलले प्रस्ताव प्रस्तुत गर्दै बजेट यथार्थपरक हुन नसक्दा बजेटप्रति विश्वसनीयता र कार्यान्वयन पक्ष कमजोर हुने प्रशस्त उदाहरण रहेको बताउदै बजेटको आकार, स्रोत व्यवस्थापन र खर्च प्रस्तावका हिसाबले यसलाई सकरात्मक रूपमा लिइएको बताए ।उनले आगामी आर्थिक वर्षको बजेटमार्फत सङ्घीय सरकारबाट वित्तीय हस्तान्तरण प्रदेश र स्थानीय तहमा जाने बजेट पनि बढाइएको जानकारी दिए ।
