बुधबार, बैशाख १२, २०८१

सरकारले गर्न नसकेको सहयोग युवाले गरे कैलालीमा

कैलाली बौनियाँ/नेपाल प्रवास स्वतन्त्र युवा संगठन र के आई पी क्लब मलेसियाले कैलाली जिल्लाको बर्दगोरिया गाउँपालिका वडा नं ३ बुटकौवा खल्ला गाउँका सापकोटाको परिवारलाई र सोही गाउँ झाला टोलका दमाईको परिवारलाई नगद सहयोग गरिएको छ।

क्यान्सर पीडित विष्णु सापकोटा र घाइते राकेश दमाईको घट्नाको बारेमा के.के युवा क्लबका अध्यक्ष शिखर बि कको जानकारीमा अनमोल अनलाईन टेलिभिजनले रोगले भन्दा भोगले मर्दै कैलालीमा भने समाचार प्रसारण गरेका थियौं ।प्रसारण भएको केही समय पछि अनमोल अनलाईन टेलिभिजनको टीम संग कुरा गर्दै नेपाल प्रवास स्वतन्त्र युवा संगठनका अध्यक्ष कुशल ओलीले सहयोग गर्ने बताउनु भएको थियो। नेपाल प्रवास स्वतन्त्र युवा संगठनका युवाहरुले समाचार भिडियो हेरी सके पछि हामीले उनीहरुलाई आफ्नो खाजा खर्च बाट सानै भए पनि सहयोग गरौं भन्ने योजना बनाएका हौं यो तत्काल जुटाएको प्रारम्भिक राहत भएको नेपाल प्रवास स्वतन्त्र युवा संगठनका सल्लाहकार समितिका संयोजक (पूर्व शिक्षक) तेज राम्जाली मगरले भने । नेपालप्रवास स्वतन्त्र युवा संगठनले सापकोटाको परिवार र दमाईको परिवारलाई मलेसिया ,कुवेत र भारतमा रोजगारी गर्दै आएका नेपाली युवा द्वारा २६ हजार ६ सय साठी रुपैयाँ पठाइयको नेपाल प्रवास स्वतन्त्र युवा संगठनको कोषाअध्यक्ष रमेश बडुवाल जानकारी दिए ।

के आई पी कल्ब मलेसियाका अध्यक्ष राजन श्रेष्ठले सहयोग गर्न पाउँदा धेरै खुशी लागेको समेत बताए छन् उहाँले नेपालमा भइरहेका विकास निर्माण होस या गरीब जनता संकटमा परेका हुन् हामीहरूले उनीहरूलाई सहयोग गर्न पाउँदा मन खुशी लाग्ने समेत बताए छन् उहाँले एक प्रश्नमा बोल्दै भगवान् मन्दिरमा होइन मनमा हुने समेत बताए हुन्।दुई घरले नगद १३०००।- र १२०००।-हजार सहयोग पाएका छन् । नेपाली कांग्रेसका सभापति नन्दराम विष्टले रू ५००।- जगदम्बिके भगवती माध्यमिक विद्यालयका प्रचार्य नेत्र खड्काले रू ५०५।- सहयोग गर्नु भएको छ । चारैतिर नदीले घेरिएको उक्त गाउँ प्रतेक वर्ष वर्षात बगेर आउने भलले जमीन कटान गर्ने गरीको पाइन्छ दुवै घरको नदीको किनारा नजिक घर पर्छ उनीहरूको आफ्नै जमीन नभएको स्थानिय बासिन्दाहरूले बताए । अरु बेला गाउँ बाहिर ज्याला मजदुरी गर्न पाइन्थ्यो थोरै कमाइ हुन्थ्यो । चामल, नुन तेल किनेर गुजरा चलाउन सजिलो हुन्थ्यो भन्छन् पीडित राजेशका आमा बुबा । तर गत वर्षदेखि कोरोना भयो । अघिल्लो वर्ष पनि राम्रोसँग काम गर्न पाइएन । यो वर्ष पनि ज्यालामा काम गर्न पाइएको छैन । घरमा अन्न किन्न पैसा नहुने भएपछि गाह्रो हुन थालेको हो,राकेशका बुबाले भने । गाउँमा यति ठूलो संकट बढ्दै गए पनि सरकार बाट कुनै राहत पुगेको छैन । आफूले चुनावमा जिताएर पठाएका जनप्रतिनिधि सरकारले दुःख पर्दा पनि नहेर्दा आफूलाई सरकार नभएको जस्तो मनमा लागेको समेत बताए । सापकोटा र दमाईलको परिवारले भने हाम्रो दुःखलाई सहयोग गर्नु हुने सबै लाई भगवानले रक्षा गरुन भनी भगवानलाई पार्थना समेत गरेका थिए। 

महाकवि लक्ष्मीप्रसाद देवकोटाको प्रसिद्ध कविता यात्रीको झल्को यही देखियो ।

कुन मन्दिरमा जान्छौं यात्री, कुन मन्दिरमा जाने हो
कुन सामग्री पूजा गर्ने, साथ कसोरी लाने हो
हाडहरुको सुन्दर खम्बा, मांशपिण्डको दिवार
मष्तिस्कको सुनको छाना, इन्द्रीयहरुको द्वार
नसा नदीका तरल तरङ्ग, मन्दिर आफू अपार।।।

इश्वरको धर्म र सेवा गर्न मन्दिर जानु पर्दैन । मानिस आफैँ मन्दिर र इश्वरको स्वरुप हो । दिनदुःखीका सेवा गरे कुनै धर्म र पूजा गरिरहनु पर्दैन भन्ने सन्देश बोकेको यो कविताको जस्तै मर्म ति दुखी पीडित परिवारमा देखाइ दियो ।“दिनदुःखीलाई सहयोग गर्न धनाढ्य नै हुनुपदर्छ भन्ने छैन्, मन भए जसरी पनि सहयोग गर्न सकिन्छ, यो त्यसैको एउटा उदाहरण हो”, सबै गाउँ ठाउँको गतिविधि विदेशको मलेसिया बाट औंलाई रहेका नेपाल प्रवास स्वतन्त्र युवा संगठनका उपाध्यक्ष अर्जुन रसाईलीले भने ।गरीब जनता संकटमा पर्दा स्थानिय सरकारले राहत दिन नसक्नु दुस्खद भएको बताए । यता नेपाल प्रवास स्वतन्त्र युवा संगठन नेपालका अध्यक्ष गणेश वि.कको अध्यक्षतामा सो रकम पीडितलाई हस्तान्तरण गरिएको छ। राहात वितरण कार्यक्रमका प्रमुख अथिति जगदम्बिके भगवतीका प्रचार्य नेत्र खड्काले प्रवासमा रहेर नेपालमा भइरहेका विकासका गतिविधिहरु हुन् या दुखी गरिबहरु हुन् उहाँ हरुलाई  सहयोग गर्नु भएकोमा धन्यबाद समेत दिनुभएको छ। राहत वितरण कार्यक्रममा नेपाली कांग्रेसका बर्दगोरिया गाउँपालिका वडा नं ३ का वडा सभापति नन्दराम विष्टले बर्दगोरिया गाउँपालिका वडा नम्बर ३ का युवाहरु एकजुट भएको देख्दा आफूलाई खुसी लागेको बताउनुभएको छ । अब देश गाउँ ठाउँ बनाउने सिक्ने सिकाउने जिम्मा युवाको हातमा हातमा रहेको समेत बताए ।

त्यही आफ्ना कथा र वेथा पत्रकारसँग पोख्दै पनि थिइन । समाचार हेरेर सहयोगी हात फैलिन्छन् भन्ने झिनो आशा उनमा थियो ।

बिपना सापकोटाको पनि कसैले सहयोग नगरे  घरमा चुलो बल्दैन । एउटा भनाइ छ, ‘हुने खानेले हुँदा खानेलाई सहयोग गर्नुपर्छ’ । 

उनकोको आफ्नै व्यथा छ । दुखजिलो गरेर कमाएको पैसाले श्रीमान विष्णु सापकोटालाई बचाउने ठुलो कोसिस खेर गयो । क्यान्सरपीडितको बिरामी श्रीमानलाई  लामो समय बचाउने प्रयास गरिन् । विसं २०७६ देखिको प्रयास २०७८ मा असफल बन्यो । उनी भन्छिन्, “श्रीमान् गइगए, अब मेरो कोही सहारा छैन ।

 

उनको भित्रि कथा झन पीडादायी छ । लाउँलाउँ र खाउँखाउँको उमेरमा श्रीमाननले छाडेर गए । बच्चा पाल्ने अभिभारा उहाँको काँधमा आयो । उनका दुई नाबालक छोरा छन ।

नेपाल प्रवास स्वतन्त्र युवा संगठनले गरीब दुःखीलाई सहयोग गर्दै आई रहेको छ भष्टचार विसङ्गति विरुद्ध आवाज उठाउँदै आएको छ । 

नेपाल प्रवास स्वतन्त्र युवा संगठनले केही बर्ष देखि गरिब  दुखी  पीडित जनातालाई निरन्तर आफू एक छाक भोकै बसेर भएपनी  नास्ता खाजा खाने पैसा काटेर राहत बितरण सहयोग गरिरहनु भएको छ ।आफ्नो देश गाउँ ठाउँ र जनता प्रती चिन्तित दया चासो नेपाल प्रवास स्वतन्त्र युवा संगठनले देखाई रहेको छ। बर्दगोरिया गाउँपालिका वडा नं ३का जनताहरुले पनि आशिर्वाद माया साथ समर्थन दिदै अझै यस्तै  समाजसेवीकार्यमा पछि नहट्न अनुरोध गर्नु भएको छ। आर्थिक नैतिक भौतिक रुपले यो सङ्गठन  सक्रिय अघि भएको यहाका जनता बुद्धिजिबि, राजनितीक दल, शिक्षक, पत्रकार सम्पुर्णले बताउदै आएका छन् । निष्पक्ष निस्वार्थ मन देखि  स्वतन्त्र भैइ यो संगठन अझै अघि बढ्ने आशा अपेक्षा स्थानिय जनताहरूको छ । यसै गरि आज पनि क्यान्सर पिडित भैई मृत्यु  हुनु भएका बुट्कुवा खल्ला बासिन्दा विष्णु सापकोटालाई र झालाका राकेश दमाईलाई सहयोग गर्नु भएको हो। कार्यक्रमको सञ्चालन सचिव पुष्प गौतमले गर्नुभएको थियो।

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation