बिहिबार, बैशाख १३, २०८१

कोपिला सामुदायीक वनले गर्यो उपभोक्तालाई २५० बाख्रा वितरण(भिडियो सहित)

बौनियाँ,कैलाली । कैलालीको मोहन्याल गाउँपालिका वडा नम्बर १ चायभाबरमा रहेको कोपिला सामुदायिक वनले आम्दानी भएको रकम सामाजिक क्षेत्रमा खर्च गर्दै आएको छ । उक्त सामुदायिक वनले ढलापडा काठ, दाउरा, बिक्री गरेर आउने रकम सामाजिक क्षेत्रको विकासमा लगानी गरि उदाहरणिय काम थालेको हो ।

कोपिला सामुदायिक वन उपभोक्ता समूहले वडा नं. १ चायभावरमा खाने पानीको समस्या देखा परे पछि समूहले करिब ७ लाख १५ हजार दुई सय पचिस बराबरको खाने पानीको सेवा विस्तार गरेको हो ।

साउन र भदौ महिनामा आएको अबिरल बर्षाले गाउँ टोलका खाने पानीका पायपहरु टूट फूट भए पछि सामुदायिक बन उपभोक्ताहरुको माग भए अनुसार ती ठाउँहरुमा मर्मत कार्य गरेको सामुदायिक बनका अध्यक्ष गणेश बहादुर बुढामगरले जानकारी दिए ।

मगलबार ‌सामुदायिक वनका अध्यक्ष गणेश बुढामगरले अनमोल अनलाईन टेलिभिजन संग कुरा गर्दै वनको आम्दानीको रकम गाउँको शैक्षिक क्षेत्र ,सडक निर्माण तथा मर्मत ,विद्यालयको भौतिक पूर्वाधार विकास गर्न र विपन्न अवस्थाका उपभोक्ताको आर्थिक अवस्थामा सुधार ल्याउनका लागि समेत खर्च गर्ने गरेको बताउनुभयो । समुदायस्तरमा वन उपभोक्ता समूहले वन विकास कार्यक्रमसंगै स्थानीय जनताको प्रत्यक्ष सरोकार र आवश्यकतालाई मध्येनजर गरि सार्वजनिक हित तथा विकास निर्माणकार्यमा प्राथमिकता दिएर लगानी गरिएको उहाँले बताउनुभयो ।

वनको आम्दानी वनको विकास संगै सामाजिक क्षेत्रमा लगानी गरि उपभोक्ताको जिवनमा सुधारको कार्य थालनी गरिएको बताउनुभयो । उहाँले सामाजिक क्षेत्रमा वनको लगानीले स्थानीय उपभोक्तानै लाभान्वित हुँदै आएको उहाँले बताउनुभयो । उहाँले वन विकास ,वनको संरक्षण तथा सामाजिक क्षेत्र वनको लगानीले उपभोक्ताले रोजगारी पाएको र पाउने गरेको बताउनुभयो ।

उहाँले सामुदायिक वनको आम्दानीले सवैभन्दा पहिलो प्राथमिकता वन विकास नै भएको पनि बताउनुभयो । सामुदायिक वनले आफ्ना नयाँ कार्यक्रम अन्तर्गत यसवर्ष पनि वन क्षेत्रको विकासका लागि डढेलो नियन्त्रण ,गस्ती परिचालन सम्बन्धि जनचेतनामूलक तालिम,अग्नि नियन्त्रण सम्बन्धि प्रचारप्रसार तथा सामाग्री,चोरी निकासी रोक्न तारबार, बृक्षारोपण, गोडमेल ,झाडी सरसफाइ लगाएतका कार्यक्रम गर्ने जनाएको छ । यी कार्यक्रममा समेत स्थानीय उपभोक्ता कै सहभागी हुनेहुदा रोजगारीको आधार समेत सामुदायिक वनबाटै हुने अध्यक्ष गणेश बहादुर बुढामगरले बताउनुभयो ।

यतिमात्र नभई सामुदायिक वनले उपभोक्ताको सेवाका लागि करिव २५ लाख ५० हजार बराबरको बाख्रा खरिद गरी वितरण गरेको छ । यसैगरी सामुदायीक वनले ३० लाख ८१ हजार २ सय दुई रुपैयाँ बराबरको भवन निर्माण गर्न लागेको छ भने ११ लाख रुपैयाँ जुन काम तल्ला पानी सडक हुँदै आउने बाटोका खाल्डा खुल्डी पुर्दै चायभावर सम्म ग्राइविल छिटै गर्ने र खोलामा पुल निर्माण गर्ने अध्यक्ष बुढामगरले अनमोल अनलाईन टेलिभिजन लाई जानकारी दिनुभयो त्यसै गरी,६ लाख सीप मुलक तालीमका लागि खर्च रहेको छ अब केही दिन पछी यो काम पनि सञ्चालन गर्ने सामुदायीक बनका पदाधिकारीहरुले बताएका छन्।

१ सय २५ घरधुरीका उपभोक्ता रहेकाे सामुदायिक वनमा आबद्ध भएर विभिन्न रूपमा वनको कार्यक्रमबाट सेवा उपभोग तथा लाभ लिइरहेको उपभोक्ता समूहले दावी गरेको छ ।

सामुदायिक वनले वार्षिक कार्य योजनाअनुसार उपभोक्ता समूहको आम्दानीको २५ प्रतिशत रकम सामुदायिक वन विकास, ३५ प्रतिशत रकम स्थानीय गरीब विपन्नवर्गको उत्थानका लागि र बाँकी ४० प्रतिशत रकम सार्वजनिक हित तथा प्रशासनिक कार्यमा खर्च गर्दै आएको जनाएको छ ।कोपिला सामुदायिक वन उपभोक्ता समूहको बाख्रा वितरण कार्यक्रममा वनका अध्यक्ष गणेश बहादुर बुढामगरको सभापतित्वमा सञ्चालन भएको कार्यक्रममा वनका सचिव मनिषा मगरले स्वागत गर्नु भएको थियो कार्यक्रममा प्रमुख अतिथि माेहन्याल गाउँपालिका वडा न १ का वडा सदस्य टीकाराम घर्तीमगर रहनु भएको कार्यक्रममा विशिष्ट अतिथि वडा सदस्य विर्मा देवी वि.क र वैज्ञानिक वन उपभोक्ता राष्ट्रिय महासघंका केन्द्रिय उपाध्यक्ष तथा रानीजरुवा सामुदायीक वन उपभोक्ता समूहका अध्यक्ष लाल सिंह विश्वकर्मा रहनु भएको थियो भने अतिथिमा दानवीर सामुदायीक वन उपभोक्ता समूहका उपाध्यक्ष , नेत्र वहादुर वि.क,सुन्पाल सामुदायीक वन उपभोक्ता समूहका अध्यक्ष हस्त बहादुर घर्ती मगर,मोहन्याल माध्यमिक विद्यालय व्यवस्थापन समितिका अध्यक्ष बुधराज भुल,मोहन्याल आधारभूत स्वास्थ्य ईकाइका कमचारी लालबहादुर बुढा र ( बुद्धिजीवी )धर्मराज न्यौपाने लगायतका अतिथिहरुले सुभकामना मन्तव्य व्यक्त गर्नुभएको थियो । कार्यक्रमको सञ्चालन सामुदायीक वनका कोषाध्यक्ष डम्बर बहादुर रोकामगरले गर्नुभएको थियो।

नेपालमा २२ हजार २ सय ६६ सामुदायिक वन उपभोक्ता समूह छन् । ती समूहले २२ लाख ३७ हजार ६ सय ७० हेक्टर क्षेत्रको वन व्यवस्थापन गरिरहेका छन् । कुल वन क्षेत्रमध्ये ३७ प्रतिशत सामुदायिक वनले ओगटेको छ । सामुदायिक वनमा २९ लाख ७ हजार ८ सय ७१ घरधुरी आवद्ध रहेको सामुदायिक वन उपभोक्ता महासंघले जनाएको छ ।

नेपालको वन क्षेत्र बढाउन सामुदायिक वनको उल्लेखनीय भूमिका छ । सामुदायिक वनको हरेक कार्यक्रम स्थानीय उपभोक्ताको हितलाई केन्द्रमा राखेर वन संरक्षण गरेको पाइन्छ । सामुदायिक वन स्थानीय उपभोक्ताको अभिभावक हुन सफल भएको छ । हरियाली र वन संरक्षण गरेर विकास गर्ने सकिन्छ भनेर समुदायिक वनको कामबाट सिक्न सकिन्छ ।

 

 

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation