टीकापुर नगरपालिका ८ बटनपुरका बाढिपीडित लाई खाद्यान्न सामाग्री वितरण गरिएको छ । मिसियो तथा कारितास नेपालको सहयोग तथा निडस नेपालको सहकार्य र टीकापुर नगरपालिकाको समन्वयमा आईतबार टीकापुरका १ सय ३० घरपरिवार लाई खाद्यान्न सामाग्री वितरण गरिएको हो ।
प्रतिपरिवार २५ किलो चामल, दुई किलो दाल,दुई लिटर तेल,दुई किलो नुन,दुईसय ग्राम बेसार पाउडर, दुईसय ग्राम खुर्सानी पाउडर वितरण गरिएको निडस नेपालका कार्यक्रम संयोजक विनोद कडाराले बताए ।
बाढिपीडितले खाद्यान्न सामाग्री पाएपछि खुसी व्यक्त गरेकाछन् । समस्यामा रहेका बाढी पीडितलाई निडस संस्थाले खाद्यान्न सहयोग गरेर दुःखमा साथ दिएको टीकापुर नगरपालिकाका कार्यपालिका सदस्य राजु चौधरीले बताए । चौधरीले संस्थाले धेरै राम्रो काम गरेको भन्दै प्रशंसा गरेका थिए । आगामी दिनमा पनि यस्तै सहयोगका कार्यक्रम ल्याउन उनले संस्था सँग अनुरोध समेत गरेका थिए ।
खाद्यान्न सामाग्री वितरण कार्यक्रममा निडस नेपालका ढुकुटी साउद,ईश्वर चौधरी र पुष्पा चौधरीको सहभागिता रहेको थियो ।
