कैलाली,बौनियाँ/नेकपा माओवादी केन्द्रका अध्यक्ष पुष्प कमल दाहाल (प्रचण्ड) कैलालीको बौनियामा आउने भएका छन् । प्रचण्डले सम्बोधन गर्ने बिशाल जनसभा कार्यक्रमको तयारी तिब्र रुपमा भइरहेको छ । नेकपा माओवादी केन्द्र बर्दगोरीयाको आयोजनामा भोली बुधवार पालिका अधिवेशन उदघाटन समारोहमा प्रमुख अतिथिकोको रुपमा पार्टी अध्यक्ष प्रचण्ड उपस्थित हुने कार्यक्रम रहेको बर्दगोरिया गाउँ कमिटीले जनाएको छ ।
मंसिर ८ गते बिहान ११ बजे बौनिया बजार स्थित हाटबजारको खुल्ला मैदानमा प्रचण्डले अधिवेशनको उद्घाटनसहित नेता कार्यकर्तालाई सम्बोधन गर्ने जनाइएको छ ।
जिल्लाको बर्दगोरीया गाउपलीका बौनिया बजारमा हुने बिशाल जनसभा तथा पार्टी प्रवेश कार्यक्रमलाई अध्यक्ष प्रचण्डले सम्बोधन गर्ने छन् ।
बौनिया बजारमा हुने कार्यक्रमको तयारी तिब्र पारिएको माओवादी केन्द्रका बर्दगोरीया गाउँपालिका अध्यक्ष राम बहादुर साउँदले अनमोल अनलाईन टेलिभिजनलाई जानकारी दिनु भएको छ। गाउँपालिकामा एक सय भन्दा बढी वाइसेल परिचालन गरिएको छ । बौनियामा प्रचण्ड आउने भए पछि सबै नेता कार्यकर्ताहरु खुशी भएको समेत साउँदले बताएका हुन् ।
गाउँपालिकाको ६ वटै वडामा प्रचार प्रसार र कार्यकर्ता परिचालन गरेको छ । माओबादी पार्टीले कैलालीको क्षेत्र नम्बर २ मा उक्त कार्यक्रम गर्न लागेको हो । उक्त कार्यक्रममा अध्यक्ष प्रचण्ड लगायत पार्टीका केन्द्रीय स्तरका नेताहरुले देशको बर्तमान राजनीति र पार्टी नेतृत्वका आगामी एजेन्डा एबम् कार्यदिशाका बारेमा जनसभालाई सम्बोधन गर्ने कार्यक्रम रहेको साउँदले बताए l सो कार्यक्रममा क्षेत्र नं.२ प्रदेश सभा (ख) भरिका पाँच हजार भन्दा बढी जनता आउने अध्यक्ष साउँदले दामी गरेका छन् ।
