बिहिबार, बैशाख १३, २०८१

पद नपाएकै कारण पार्टी परित्याग गर्नु जनतालाई धोका दिनु हो:सांसद साउँद

बौनियाँ,कैलाली/सुदूरपश्चिम प्रदेश सांसद एवम् नेकपा माओवादी केन्द्रका प्रदेश सदस्य नन्द बहादुर साउँद राजेन्द्रले पद नपाएकै कारण पार्टी परित्याग गर्नु जनतालाई धोका भएको बताएकाछन् । असल माओवादी कार्यकर्ताले अवसरबादी राजनीति गर्न नहुने साउदले बताए । साथै साउदले जनयुद्धबाट प्राप्त परिवर्तन लाई संस्थागत गर्नुपर्ने बताएकाछन् । नेकपा माओवादी केन्द्र लम्कीचुहा नगरपालिका ६ नम्बर वडाको स्याउले बजारमा शुक्रबार भएको पार्टी कार्यालय उद्घाटन तथा प्रशिक्षण कार्यक्रममा साउँदले यस्तो बताएका हुन ।

 

कार्यक्रममा वडा कमिटिका अध्यक्ष ढक बहादुर बिकले नेकपा माओवादी केन्द्र सुदूरपश्चिम प्रदेश कमिटीमा निवार्चित भएका राजेन्द्र साउँद र बिष्ना बिसी सपना लाई फूलमाला र दोसल्लाले सम्मान गरेका थिए ।

पार्टी कार्यालय उद्घाटन समारोहमा प्रमुख अतिथि समेत रहेका साउदले विचार बाट पतन भएकाहरुले पद नपाएपछि पार्टी छोडेको बताए । अवसरवादी जहाँ गएपनि धोका मात्र दिने बताउदै जनयुद्धबाट आएका माओवादीले पद नयाएकै भरमा अरु पार्टीमा लाग्नु भनेको जनता माथि गद्दार गर्नु बाहेक अरु केही नभएको बताए । सधैं अवसरवाद र पदकै लागि मरीहत्ते गर्ने जोकोही हुन उनीहरु सच्चा माओवादी हुनै नसक्ने उनले बताए ।

 

कार्यक्रममा सम्मानित भएकी प्रदेश कमिटी सदस्य बिष्ना बिसी सपनाले माओवादीले सुरु गरेको दशबर्षे जनयुद्धकै कारण देशमा परिवर्तन आएको बताईन् । माओवादीले ल्याएको परिवर्तन गुम्ने खतरातर्फ सचेत हुँदै सबै एक भएर देश र जनताको पक्षमा उभिने बेला आएको उनले बताईन् ।

जनयुद्धबाट प्राप्त अधिकार लाई जनताको बीचमा लैजानु पर्ने भन्दै माओवादीको यो देशमा जीत भएकोले सबैले गर्व गर्नुपर्ने बिसीले बताईन् । उनले भनिन् –‘देश माओवादीकै एजेन्डामा अगाडी बढेकोले आगामी निवार्चनमा बहुमत ल्याएर एक नम्बर पार्टी बनाउने तर्फ सबै कार्यकर्ता सक्रिय भएर लाग्नुपर्छ ।’ सहिदका सपना र जनताको त्याग तपस्याको सम्मान गर्न साझा विचारका साथ पार्टी निमार्णमा लाग्नु पर्नेमा उनले जोड दिईन ।  

 

कार्यक्रममा नेकपा माओवादी केन्द्रका राम बहादुर बिक, लोग बहादुर बिक, भीम केसी, कल्पना बिक, राम बहादुर रोकाया, धर्मदत्त न्यौपाने लगायतकाकाले मन्तब्य राखेका थिए ।

 

ढक बहादुर बिकको अध्यक्षतामा भएको कार्यक्रममा स्वागत मन्तब्य जुनिता सार्कीले गरेकी थिईन भने संचालन वडा सचिब सन्तलाल चौधरीले गरेका थिए ।

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation