टीकापुर,—स्थानीय तह निर्वाचनको चर्चा चुलिएसंगै नेपाली कांग्रेसका स्थानीय तहका कार्यसमितिले पार्टी संगठन विस्तारलाई तीव्रता दिन थालेका छन् । स्थानीय तह कार्यसमितिले १४ औं महाधिवेशन सम्पन्न भएसँगै पार्टी सङ्गठन विस्तार तथा सुदृढीकरणमा अभियान थालेका हुन् । कैलालीको बर्दगोरिया र मोहन्याल गाउँ कार्यसमितिले पार्टीको सबैभन्दा तल्लो तहको रूपमा रहेको टोल कार्यसमिति गठन कार्य थालेका छन् ।
पार्टी विधानको धारा ५ (१) मा सभापति, उपसभापति, सचिव, कोषाध्यक्ष, सहसचिव र सदस्य गरि बढीमा १५ सदस्यीय टोल कार्यसमिति गठन गर्न सकिने उल्लेख छ । सोही प्रावधान अनुसार टोल कार्यसमिति गठन कार्यलाई प्राथमिकता दिइएको बर्दगोरिया गाउँपालिकाका सभापति कृष्ण बिष्टले बताउनुभयो ।
उहाँका अनुसार आगामी फागुन १५ गतेसम्म पालिका अन्तर्गतका ६ वटै वडामा टोल कार्यसमिति गठन गर्न परिपत्र गरिएको छ । सोही अनुसार शुक्रबार बर्दगोरियाको वडा नम्बर ३ रानीकुण्डामा ११ सदस्यीय टोल कार्यसमिति गठन गरिएको वडा सभापति नन्दाराम बिष्टले जानकारी दिनुभयो ।
रानीकुण्डा टोलमा दानबहादुर कामी टोल कार्यसमिति सभापति चयन हुनुभएको छ । जसको उपसभापतिमा कर्णबहादुर कामी, सचिवमा विजय विश्वकर्मा, कोषाध्यक्ष रुपादेवी टमट्टा, सहसचिवमा टीकाराम कौडेल र सदस्यमा नविन टमट्टा, राधा ढोली, प्रतापे कामी, अजित कामी, अमना टमट्टा, मानबहादुर विश्वकर्मा चयन हुनुभएको छ ।
त्यस्तै, नेपाली कांग्रेस मोहन्याल गाउँ कार्यसमितिले समेत टोल कार्यसमिति गठनलाई प्राथमिकता दिएको छ । गाउँ कार्यसमिति सभापति कमल साउँदका अनुसार आगामी फागुन मसान्तसम्म पालिका अन्तर्गतका ७ वटै वडामा टोल कार्यसमिति गठन गरिने जानकारी दिनुभयो । अहिले गाउँपालिकाको वडा नम्बर ७ र १ मा कार्यसमिति गठन भइरहेकोे उहाँको भनाइ छ । नेपाली कांग्रेसले जनताकाबीचमा स्थानीय सरकारले गरेका विकास निर्माणकार्य, जनगुनासोको समिक्षा र बेतिथीको खबरदारी गर्दै आएकाले जनताको विश्वास र भरोसा बोकेको पार्टी नेपाली कांग्रेसप्रति जनलहर बढ्दै गएको उहाँले बताउनुभयो ।
त्यसैबीच, नेपाली काँग्रेस टीकापुर नगरपालिका वडा नं.–६ को वडा कार्य समितिद्वारा वडा अन्तर्गतका ओखरपुर र पानीमुला गोल्छान टोलमा बिहीबार टोल कार्यसमिति गठन गरिएको छ । वडा सभापति नृपबहादुर कडायतले दिनुभएको जानकारी अनुसार ओखरपुर टोल समिति ज्योति आउजीको नेतृत्वमा गठन गरिएको हो ।
उक्त समितिका अन्य पदाधिकारीहरूमा उपसभापति कित्थीदेवी लुहार, सचिव शिव विश्वकर्मा, सहसचिव सपना कुँवर, कोषाध्यक्ष राजेन्द्र धामी चयन हुनुभएको छ ।
त्यस्तै, सदस्यहरूमा जनक विश्वकर्मा, रोशन थापा, लीलादेवी चौधरी, नारायण कठायत, दुर्गा दमाई, दीपा साउँद, कौशिला टमट्टा र सङ्गीता विश्वकर्मा रहनुभएको छ ।
त्यस्तै, पानीमुला गोल्छान टोलमा कल्पना कठायतको नेतृत्वमा टोल कार्यसमिति गठन गरिएको छ ।
उक्त समितिका अन्य पदाधिकारीहरूमा उपसभापति राधिका थापा, सचिवमा अशोक विश्वकर्मा, सहसचिव निता थापा, कोषाध्यक्ष लक्ष्मी चौधरी चयन हुनु भएको छ । त्यस्तै सदस्यहरूमा उमा साउँद, गुलावी चौधरी, गणेश विश्वकर्मा, सुदीप थापा, हेमराज थापा र गीता विश्वकर्मा रहनु भएको छ ।
