बुधबार, फाल्गुन ९, २०८०

भारतबाट कैलालीका एक युवाले गरे वडाअध्यक्षमा उम्मेदवारी घोषणा

बौनियाँ- स्थानीय तहको निर्वाचन २०७९ वैशाख ३० मा हुने पका भएपछि कैलालीको बर्दगोरिया गाउँपालिका वडा नम्बर ३ को वडा अध्यक्षमा पुष्पराज गौतमले उम्मेदवारी दिने घोषणा गरेका छन् । हाल सम्म कुनै पनि राजनीतिक दल निकट नभएको बताउने उनी स्वतन्त्र रूपमा उम्मेदवारी दिने बताएका हुन ।

 

गौतम भनु हुन्छ सुरुमा हामीले पनि नेतृत्व गर्न सकौला र भन्ने लाग्थ्यो पालिकाका विभिन्न पदमा बसेकाहरूको काम गर्ने शैली देखियो । व्यापक अनियमितता, आफन्तबाट र निहित स्वार्थ बाहेक केही छैन । जनताका समस्या गए भाडमा, आफ्नै दुनो सोझ्याउन मै व्यस्त छन् सबै । उनीहरू भन्दा म नै राम्रो काम गर्न सक्छु भन्ने लागेर मैले उम्मेदवारी दिने घोषणा गरेको हु ।”     

 

राजनीतिक दलहरूको झोला बोक्दै उनीहरूको स्वार्थ पुरा गर्न टायर बाल्ने देखी ढुङ्गा मुडा हान्ने कामहरूमा प्रयोग हुने युवा शक्तिले अव भने सचेत बन्दै आफै नेतृत्वमा आउनु पर्ने उनको धारणा छ । उमेरले २३ वर्ष पुगेका गौतम स्थानीय नेपाल प्रबास स्वतन्त्र युवा संगठनका केन्द्रीय सचिव पनि हुन । खेलकुद तथा विभिन्न सामाजिक कामहरूमा सक्रिय देखिने उनी युवा पुस्ताका लाेकप्रिय युवा पनि हुन । 

 

गौतमको भनाई अनुसार आगामी ५ बर्षमा बर्दगोरिया गाउँपालिका वडा नं ३ लाई देशभरिकै उत्कृष्ट र नमूना वडा बनाउने उनले उदघोष गरेका छन् ।

 

‘आर्थिक समृद्धिको पहिलो आधारः व्यवस्थित वडा’ भन्ने मूल नाराका साथ स्वतन्त्र उमेद्वार दिने गौतमले सोमवार भारतको मुम्बईको थाना शहर बाट गौतमले अनमोल अनलाईन टेलिभिजन लाई जानकारी दिनु भएको हो ।

 

हचुवाका भरमा लागू गरिएको सम्पति करलाई वर्गीकरण गर्ने, भ्रष्टाचारमा शून्य सहनशीलताको नीति कडाईका साथ लागू गर्ने, डुवान र नदीनाला अतिक्रमण हटाई व्यवस्थित वडा बनाउने, वडा नं ३ लाई विषादीयुक्त फलफूल, तरकारी तथा खाद्यान्न मुक्त गरी अग्र्यानिक कृषि उब्जनी केन्द्र बनाउने लगायतका चुनावी एजेण्डा उनले सार्बजनिक गरेका छन् ।

 

सडकहरुको स्तरोन्नती गर्ने, अल्पसंख्यक समुदायको रुपमा रहेका समुदायको संस्कृति संरक्षणका लागि संग्रहालय स्थापना गरिने लगायतका विषयमा गौतमको भनाई रहेको थियो ।

यो पोस्ट हेरेर/पढेर तपाईलाई कस्तो लाग्यो ?


© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation
error: Content is protected !!