बौनियाँ-नेपाली काँग्रेसको राजनीतिमा सक्रिय नेता तथा पूर्व वडा उपसभापति देवबहादुर कामीको हिन्दु परम्पराअनुसार अन्त्येष्टि गरिएको छ । गएको शनिबार निधन भएपछि आज उहाँको पार्थिव शरीरमा नेपाली काँग्रेस बर्दगोरिया गाउँपालिका र वडास्तरका नेताकार्यकर्ताले पार्टीको झण्डा ओढाएर श्रद्धाञ्जली व्यक्त गर्नुभएको छ ।
उहाँको निधनमा शोक व्यक्त गर्दै उहाँले समाज र पार्टी संगठन निर्माणमा पुर्याएको अतुलनीय योगदानको नेताकार्यकर्ताले स्मरण गर्नुभयो । स्वास्थ्यमा समस्या देखिएपछि नेपालगञ्ज मेडिकल कलेजमा उपचारका क्रममा उहाँ निधन भएको पारिवारिक स्रोतले जनाएको छ । नेपाली काँग्रेसको सक्रिय राजनीतिमा लाग्नु भएका उहाँ अघिल्लो कार्यकालमा वडा कार्यसमितिको उपसभापति भइसक्नु भएको थियो भने, हाल क्रियाशील सदस्य समेत रहनुभएको नेपाली काँग्रेसले जनाएको छ ।
४३ वर्षको उमेरमा उहाँको उपचारकै क्रममा निधन भएको हो । वि.सं. २०३६ साल साउन २६ गते सुर्खेतको बेतान गाविस वडा नम्बर ५ मा बुवा डम्मरे कामी र आमा अपुसरादेवी कामीका कोखबाट जन्मिएका देवबहादुर कामीले समाजसेवा, नेपाली काँग्रेस पार्टी संगठन र लोकतन्त्रप्रति आस्था राख्दै लोकतान्त्रिक संघर्ष र योगदान पुर्याउनु भएको पार्टीले जनाएको छ ।
उहाँको असामहिक निधनले एक कुशल समाजसेवी, राजनीतिकर्मी गुमाएको र यसबाट समाज र पार्टी संगठनलाई अपूरणीय भएको जनाउँदै शोक सन्तप्त परिवारजनमा गहिरो दु:ख र सहानुभूति व्यक्त गरेको नेपाली काँग्रेसले जनाएको छ ।
भिडियो सहित
