बौनियाँ,कैलाली – ४० औँ बिपी स्मृति दिवसमा वृक्षारोपण गरिएको छ । नेपाली कांग्रेसका संस्थापक तथा नेपालका पहिलो जननिर्वाचित प्रधानमन्त्री बिपी कोइरालाको स्मृति दिवसको अवसरमा नेपाली कांग्रेस बर्दगोरिया गाउँकार्य समितिको आयोजनामा वडा नं. २ को साहारा घरमा नेपाली कांग्रेस बर्दगोरिया गाउँ कार्यसमितिका सभापति कृष्ण बिष्टको सभापतित्वमा सञ्चालन भएको कार्यक्रममा प्रमुख अथिती माहा समिति सदस्य बिरबहादुर चौधरी रहनु भएको थियो ।कार्यक्रममा अथितीमा जिल्ला सदस्य बलबहादुर कठरिया,क्षेत्रीय सचिव बृजेश रावल,प्रदेश (ख) का उप-सभापति प्रेम भक्त जोशी,नेपाली कांग्रेस बर्दगोरिया गाउँ कार्यसमिति कोपध्यक्ष कृष्ण खतीवडा ,सदस्य महेन्द्र शाह निरज चौधरी, गुलवदन थारु,धिरज शाही, बालचन्द कठरिया,पूर्व जिल्ला सहलाकार उपेन्द वम,तरुण दल क्षेत्रीय सभापती दिनेस भन्डारी,नेपाली कांग्रेस वडा नं ६ का सचिव शेर बहादुर बुढा,नेपाली काँग्रेसका बाट २०७४ साल स्थानिय निर्वाचनमा उपाध्यक्ष पदकी उमेद्वार ललित भट्ट ,२०७९ सालका अध्यक्ष पदका उमेद्वारा शेर बहादुर कठरिया लगाएतका अथितीहरुको उपस्थिती रहेको थियो भने कार्यक्रमको सञ्चालन नेपाली कांग्रेस बर्दगोरिया गाउँकार्य समितिका सचिव तथा वडा नं ४ का वडा अध्यक्ष जगत वहादुर शाहीले गर्नु भएको थियो।
विपिकाे सम्झनामा गरिएकाे बृक्षाराेपण कार्यक्रममा नेता तथा कार्यकर्ताकाे बाख्लाे उपस्थिति रहेकाे थियाे । सो कार्यक्रममा फलफूल वितरण समेत गरिएको हो ।
बिपी कोइरालाको जन्म वि सं १९७१ साल भदौ २४ गते भारतको वनारसमा भएको थियो । नेपाली राजनीतिमा बिपी कोइराला र नेपाली साहित्यमा विश्वेश्वरप्रसाद कोइरालाको नामबाट परिचित छन् । क्यान्सर रोगबाट थला परेका कोइरालाको २०३९ साल साउन ६ गते निधन भएको थियो । भारतीय स्वतन्त्रता आन्दोलनमा समेत सहभागी कोइराला भारतीय नेताहरूसँगै जेल परेका थिए ।
कोइरालाको नेतृत्वमा जहानियाँ राणा शासन हटाउन २००३ सालमा नेपाली राष्ट्रिय कांग्रेसको स्थापना भएको थियो ।
बीपी कोइरालाले २००७ सालमा १०४ वर्षे राणाशासनको विरुद्धमा भएको जनक्रान्तिको नेतृत्व गरेका थिए । नेपालको प्रजातान्त्रिक समाजवादी आन्दोलनका प्रतीक मानिने बीपी तत्कालीन नेपालमा अन्र्तराष्ट्रिय पहिचान बनाउन सफल राजनीतिक व्यक्तित्वका रूपमा समेत परिचित छन् ।
राष्ट्रियता, प्रजातन्त्र र समाजवादको सिद्धान्त प्रतिपादन गरेका कोइराला २०१५ सालमा भएको पहिलो संसदीय चुनावपछि पहिलो जननिर्वाचित प्रधानमन्त्री बन्न सफल भएका थिए । तत्कालीन राजा महेन्द्र शाहले प्रधानमन्त्रीबाट बर्खास्त गरी कोइारालालाई जेल राखेका थिए । उनि २०२५ सालसम्म आठ वर्ष निरन्तर जेलमै रहे । त्यसपछि भारत प्रवासमा रहेका कोइराला २०३३ सालमा राष्ट्रिय मेलमिलापको नीति लिएर स्वदेश फर्केका थिए ।
उच्च राजनीतिक छवि हुँदाहुँदै पनि उनले नेपाली साहित्यमा पुयाएको योगदानलाई अतुलनीय मानिन्छ । कोइरालाको सुम्निमा, मोदी आइन्, बाबु, आमा र छोरा, नरेन्द्र दाई, तीन घुम्ती तथा हिटलर जस्ता चर्चित उपन्यासहरू नेपाली साहित्यमा चर्चित छन् ।
