साउन १९,मुडा – बर्दगोरिया गाउँपालिका वडा नम्बर ४ का वडाध्यक्ष जगत बहादुर शाहीले आफ्नो सक्रियता लाई निरन्तर अगाडि बडाउनु भएको छ ।जनप्रतिनिधिकाे रुपमा आउनु भन्दा अगाडि देखि नै सामाजिक कार्यमा सक्रिय रहेका वडाध्यक्ष शाहीले निर्वाचित भए पश्चात साे कार्यमा थप तिब्रता दिनु भएको हो ।
जनप्रतिनिधिका रुपमा प्राप्त गर्ने सेवा सुविधा नलिने भनेर चर्चामा रहेका शाहीले त्यस पश्चात गर्दै आएका थप कार्यबाट अझ बढि चर्चित हुदै आएका छन्। बिहिबार शाहीकै अगुवाइमा वडा नम्बर ४ भित्र पर्ने हाईवे क्षेत्रमा रहेका दुई ओटा सामुदायिक वन हरु सगरमाथा र तुल्सिपुरकाे किनारामा जथाभावी फालिएको फोहरहरुलाई गाउँपालिका फाेहर बिस्थापित गर्दै आएको क्षेत्र तर्फ पठाएको छ।
जंगल छेउ छाउ फालिएको फोहोर संकलनमा स्थानीय नव युवा क्लब चमेलिपुरका पदाधिकारी र सदस्य संगै स्थानीय आम सर्वसाधारणहरुले समेत साथ दिएका थिए।
वडा कार्यालयले यस अघि बुधबार एक सुचना प्रसारण गर्दै उत्त क्षेत्रमा जथाभावी फोहोर नफाल्न अनुरोध समेत गरेको थियाे । वडाध्यक्ष शाहीका अनुसार यस पश्चात साे क्षेत्रमा फोहोर फालिएको पाइममा आफुहरु कार्वाही गर्न बाध्य हुने समेत उनले हामी संगको कुराकानीमा बताए।
