साउन २०, बाैनिया- दरबार आँखा अस्पताल पहलमानपुरकाे सहकार्य र बर्दगाेरिया गाउपालिका वडा नम्बर ४ काे आयाेजनामा शनिबार एक दिने निशुल्क आँखा शिविर सञ्चालन हुने भएको छ ।
शनिबार बिहान ८ बजे देखि बेलुकी ५ बजेसम्म वडा कार्यलयकाे प्राङ्गण मुढा बजामा निशुल्क शिविर सञ्चालन हुने बर्दगाेरिया गाउपालिका वडा नम्बर ४ का वडा अध्यक्ष जगत बहादुर शाहीले जानकारी दिनु भएको छ । शाहिका अनुसार शिविरमा नाम दर्ता ,औषधि , माेतिबिन्दुकाे अप्रेसन संगै रगत परिक्षण समेत निशुल्क हुने छ । साथै साे शिविरमा नजिक तथा दुरदृष्टिका चश्मा आवश्यक पर्ने बिरामिले चश्मा लिएमा साे सुबिधामा २५ प्रतिशत छुट प्रदान गरिने दरबार आँखा अस्पतालले जानकारी दिएकाे छ ।
अस्पतालले बिरामीको नाम दर्ता बाफत लिने जनही २५ रुपैयाँ वडा अध्यक्ष शाही आफुलेनै तिर्ने हामी संगकाे कुराकानीमा बताए । स्थानीय निकायको निर्वाचन २०७९ मा निर्वाचित भएर आयपश्चात सरकारी सेवा सुबिधा नलियर वडा अध्यक्ष शाहि चर्चामा रहदै आयका छन् । शाही बिगत देखिनै विभिन्न सामाजिक संगै सार्वजनिक कार्यहरुमा सक्रिय रहदै आएका छन् ।
