कैलाली – “सफा सहर स्वच्छ गाउँ , सबै मिलि फोहोर हटाउ” भन्ने मुलमन्त्रका साथ शनिबार जुनकीरी नेपालले बर्दगोरिया गाउपालिका वडा नम्बर ४ मा अवस्थित मुडा बजार क्षेत्रकाे सरसफाइ गरेको छ ।”हप्तामा एक घण्टा समाजका लागि” अभियान अन्तर्गत मुडा बजार क्षेत्रमा सरसफाइ गरिएको जुनकीरी नेपालका अध्यक्ष सुनिल भण्डारीले जानकारी दिनु भएको छ ।
सरसफाइ कार्यक्रममा बर्दगाेरिया गाउपालिका वडा नम्बर ४ का वडा अध्यक्ष जगत बहादुर शाहि,स्थानिय हिमालयन युवा क्लब लगायत जुनकीरी नेपालकाे भागिनि संस्था सानिजुनकिरीको पनि उपस्थिती रहेको थियो । जुनकीरी नेपाल आफ्नो स्थापना काल देखि सरसफाइका क्षेत्रहरुमा कार्य गर्दै आएको छ । उसले केही समय अगाडि मात्र किसाेरिहरुका लागि आत्मरक्षा तालिमको सफल आयाेजना समेत सम्पन्न गरिसकेको छ ।
शनिबार मुडा बजार क्षेत्रमा सरसफाइ कार्यक्रमकाे आयाेजना गरेकोमा बर्दगाेरिया गाउपालिका वडा नम्बर ४ का वडा अध्यक्ष जगत बहादुर शाहीले जुनकीरी नेपाल र हिमालयन युवा क्लबलाई धन्यवाद समेत व्यक्त गर्नु भयाे । हामी संग कुरा गर्दै शाहीले युवा परिवर्तनको सम्बाहक भएको बताउदै हरेक नयाँ र परिवर्तनकारि कार्यकाे थालनि युवाले गर्नुपर्ने कुरामा जाेड दिनु भएको छ ।
हप्तामा एक घण्टा समाजका लागि अभियान अन्तरगत आउदो सनिवार बर्दगाेरिया गाउपालिकाकाे कुनै अर्को ठाउमा सरसफाइ कार्यक्रमकाे आयाेजना गरिने जुनकीरी नेपालका अध्यक्ष सुनिल भण्डारीले जानकारी दिनु भएको छ ।
