बौनियाँ,कैलाली – नेपाली कांग्रेस बर्दगाेरियाले मृगौला पिडित बर्दगाेरिया गाउपालिका ३ बस्ने लक्ष्मि बिश्वकर्मालाई सहयोग गरेको छ । शुक्रबार नेपाली कांग्रेस बर्दगाेरियाकाे कार्यलयमा एक समारोह बीच नगद पाँच हजार दस रुपैयाँ सहयोग गरिएको नेपाली कांग्रेस बर्दगाेरिया गाउँ कार्यसमिति सभापति कृष्ण बिष्टले जानकारी दिनु भएको छ । बर्दगाेरिया गाउपालिका भित्र रहेका नेपाली कांग्रेस पार्टी प्रति आस्थावान नेता कार्यकर्ता द्धारा एक दिनकाे खाजा खर्चबाट संकलित दस हजार पैसठ्ठि रुपैयाँ मध्येको पाँच हजार दस रुपैयाँ सहयोग गरेको हाे ।
संकलित रकम मध्येको बाँकि पाँच हजार पच्पन्न रुपैयाँ बर्दगाेरिया गाउपालिका वडा नम्बर ५ का वडा सदस्य शंकर बिककाे श्रीमती मनकला बिकलाई प्रदान गरिने गाउँ कार्यसमिति सचिव एवम् बर्दगाेरिया गाउपालिका वडा नम्बर ४ का वडा अध्यक्ष जगत बहादुर शाहीले जानकारी दिनु भएको छ । मनकला बिक क्यान्सरबाट पिडित रहेकी छन् ।
साे अवसरमा नेपाली कांग्रेस बर्दगाेरिया गाउँ कार्यसमिति सभापति कृष्ण बिष्टले कृष्ण जन्माष्टमी पर्वकाे सम्पुर्ण बर्दगाेरिया बासिलाई शुभकामना समेत व्यक्त गर्नु भएको छ । हामी संग संक्षिप्त कुरागर्दै सभापति बिष्टले अबको केही दिन पछि नेपाली कांग्रेस बर्दगाेरिया संघिय र प्रदेश चुनाव लक्षित कार्यक्रम अगाडि बढाउने समेत बताउनुभयो ।
