कैलाली- नागरिक उन्मुक्ति पार्टीका केन्द्रीय सदस्य सन्तोष कठरियाले आफुले पार्टी परित्याग गर्न लागेको जानकारी दिनु भएको छ । कठरियाका अनुसार पार्टी भित्र पछिल्लो समय माैलाउदै गरेको बिकृतिका कारणले आफुले पार्टी परित्याग गर्न लागेको जानकारी दिनुभएको छ ।
कठरियाले हामीलाई दिएको जानकारी अनुसार पार्टीले आफुहरुलाई पार्टी निर्माणका बेला प्रयोग गरेको र अहिले चुनावको समयमा व्यवास्था गर्न लागेकाले आफुले पार्टी छाेड्न लागेको जानकारी दिनुभएको छ । कठरियाकै महत्त्वपूर्ण भुमिकाका कारण नागरिक उन्मुक्ति पार्टिले कैलाली जिल्लाकाे जाेशिपुर गाउँपालिकामा अध्यक्ष उपाध्यक्ष संगै सात वटा वडा मध्ये पाँच वडामा विजयी बन्न सफल भएको थियो । कठरियालाई जाेशिपुर गाउँपालिका संगै सिंगाे कैलाली क्षेत्र नम्बर १ (क) काे एक महत्त्वपूर्ण र चर्चित व्यक्तिका रुपमा हेर्ने गरिन्छ । उहाले पार्टी छाेड्दा पार्टिलाइ अब आउने संघिय र प्रदेश सभाकाे निर्वाचनमा कैलाली निर्वाचन क्षेत्र नम्बर १ मा ठुलो क्षति हुने त्यस क्षेत्रका जानकारहरुले बताएका छन् ।
कठरियालाइ त्यस क्षेत्रमा एक सम्भावना रहेको व्यक्तिका रुपमा चिन्ने गरिन्छ । कठरिया हाल शिक्षण पेशामा आबद्ध हुनुहुन्छ । उहाँ स्थायी शिक्षकका रुपमा कार्यरत हुनुहुन्छ । कठरियाले हामीलाई दिएको जानकारी अनुसार उहाँ यहि असाेज १४ गते पार्टी परित्याग गर्दै स्वतन्त्र उम्मेदवारी घाेषणाकाे तयारीमा समेत हुनुहुन्छ । कठरिया अनुसार आफु अहिले कुनै पनि दलमा नलागेर लाैराे चुनाव चिन्ह लिएर कैलाली निर्वाचन क्षेत्र नम्बर १ (क) बाट चुनाव लड्ने बताउनुभयो ।
कठरिया संग यस अघि समेत चुनावमा होमिएकाे राम्रो अनुभव रहेको छ । कठरियामा आम जनसमुदायलाई आफुतर्फ आकर्षित गराउन सक्ने राम्रो खुबी रहेको । नागरिक उन्मुक्ति पार्टीको कर्णाली प्रदेशमा संगठन बिस्तार गर्नमा कठरियाकाे महत्त्वपूर्ण याेगदान रहेको छ । कठरिया हाल नागरिक उन्मुक्ति पार्टीका केन्द्रीय सदस्य संगै कर्णाली प्रदेश सह-संयाेजक समेत रहेका छन् ।
कठरिया यस अघि २०७० सालमा सम्पन्न भएको संविधान सभाको निर्वाचनमा थारुहट तराई पार्टी नेपालको तर्फबाट समानुपातिक उम्मेदवार रहदा २०७४ काे निर्वाचनमा कैलाली जिल्ला निर्वाचन क्षेत्र नम्बर १(क) बाट नयाँ शक्ति पार्टी नेपालकाे तर्फबाट प्रदेश सभाकाे उम्मेदवार रहेका थिए ।
कठरियाका अनुसार आफू निरन्तर समाज परिवर्तनका लागि लागिरहेको एक सिपाही भएका नाताले स्वतन्त्र रुपमा चुनाव लड्दा समेत जनताको बिश्वास जित्नेमा निश्चिन्त रहेको कुरा बताउनुभएको छ । कठरियाले हामीलाई दिएको जानकारी अनुसार स्थायि शिक्षण पेशाबाट राजिनामा दिएर चुनाव लड्न आफू तयार रहेको कुरा हामीलाई बताउनुभयो ।
