बौनियाँ ,कैलाली । कैलालीको बर्दगोरिया गाउँपालिका-३ रानीकुण्डा स्थित जगदम्बिके भगवती माध्यमिक विद्यालयको अभिभावक भेला शुक्रवार सम्पन्न भएको छ ।
विद्यालय ब्यवस्थापन समितिका अध्यक्ष राम बहादुर चौधरीको सभापतित्वमा भएको भेलामा प्रमुख अतिथि बर्दगोरिया गाउँपालिका वडा नं ३ का वडा अध्यक्ष मनऋषि आचार्य रहेका थिए । यस्तै विशिष्ट अतिथिमा बर्दगोरिया गाउँपालिका शिक्षा शाखा प्रमुख नन्दा कुमारी भट्ट रहनु भएको थियो ।
कार्यक्रममा प्रमुख अतिथिको आसनबाट बोल्दै वडा अध्यक्ष आचार्यले विद्यालयको बिकासका लागि शिक्षक-अभिभावक नै सचेत र जागरूक हुनुपर्ने बताए । बालबालिकाको भविस्य निर्माण गर्ने जिम्मेवारी शिक्षक र अभिभावकको हातमा रहेको भन्दै सबैले सजक र जिम्मेवार हुन आवश्यक रहेको औल्याए । विद्यालयमा त्रिपक्षीय सम्बन्ध राम्रो नभए विद्यालयले प्रगति गर्न सक्दैन”-आचार्यले भने विद्यालय ब्यवस्थापन समिति, शिक्षक अभिभावक संघ र शिक्षक बिद्यार्थी बीचको सम्बन्ध राम्रो हुनुपर्दछ । सामुदायिक विद्यालयमा अभिभावकको चासो नहुनुले बालबालिकाको शैक्षिक बिकासमा समस्या हुने गरेको आचार्यले बताए । विद्यालयका आ-आफ्नै समस्या छन् तर, बोर्डिङ स्कुलमा अभिभावकले चासो राख्नु सरकारी विद्यालयमा चासो नराख्नुले बालबालिकाको शैक्षिक अवस्थामा सुधार ल्याउन गार्हो भएको अनुभव आफुले लिएको उनले बताए ।
भेलाबाट विद्यालय प्रधानाध्यापक नेत्र बहादुर खड्काले प्रस्तुत गरेको आर्थिक बर्ष २०७७/०७८ को ८४ लाख ७ हजार १ सय १४ रुपैयाँ ८२ पैंसा बराबर आय-ब्यय अनुमोदन गरिएको छ । यस्तै, सोही भेलाबाट विद्यालय व्यवस्थापन समितिको अध्यक्षतामा ११ सदस्यीय विद्यालय व्यवस्थापन समिति समेत गठन गरिएको छ ।
विद्यालयका साहयक प्रधानाध्यापक शिक्षक दिलराज गौतमले स्वागत मन्तव्य व्यक्त गरेको कार्यक्रममा बर्दगोरिया गाउँपालिका न्यायिक समिति सदस्य बसन्ती साउँद, कार्यपालिका सदस्य भीम बहादुर विश्वकर्मा,दलित महिला वडा सदस्य भावना देवी विक, वडा सदस्य कपिल गुरुङ्ग ,नेकपा माओवादी(केन्द्र)का प्रतिनिधि दल बहादुर तिरूवा, नेपाली कांग्रेस वडा सभापति नन्दराम बिष्ट,नेकपा एमाले वडा कमिटी अध्यक्ष रवि कुँवर,नेकपा एकीकृत समाजवादी पार्टीका वडा अध्यक्ष कमल जोशी,राष्ट्रिय प्रजातन्त्र पार्टीका अध्यक्ष कर्ण बहादुर बुढा, नागरिक उन्मुक्ति पार्टीका अध्यक्ष कृष्ण बहादुर रेस्मी, लालीगुराँस सामुदायिक बन उपभोक्ता समुहका अध्यक्ष भिम बहादुर कुँवर,दानुफाटा नमुना सामुदायिक बन उपभोक्ता समुहका अध्यक्ष टेक राज जोशी,रानी जरुवा सामुदायि बन उपभोक्ता समुहका अध्यक्ष लाल सिंह बिक,रानीकुण्डा खानेपानी तथा सरसफाई उपभोक्ता समितिका अध्यक्ष टंक राज ओली,शिव शक्ति ग्रामिण विधुत सहकारी संस्था लि.का अध्यक्ष नवराज टमटा, न्यु लाली गुराँस ग्रामिण विधुत सहकारी संस्था लि.का अध्यक्ष लोकेन्द्र न्यौपाने,साईनिङ स्टार युवा क्लबका अध्यक्ष भेष राज जैशी,पशुपति युवा क्लबका अध्यक्ष आश्विन बिश्वकर्मा,के.के युवा क्लबका अध्यक्ष शिखर बिश्वकर्मा,शिक्षक अभिवाक संघका अध्यक्ष आत्म प्रसाद जैशी, बसन्त मुरारी नमूना माध्यमिक विद्यालयका अध्यक्ष टंक बहादुर कुँवर,पुर्व कार्यपालिका सदस्य कोकिला खत्री,जग्गा दाता दीर्घराज जोशी,मन्दिर निर्माण दाता पहराम बुढा क्षेत्री,बुद्धिजिवी कविराज तिरुवा,बुद्धिजिवी, नैन बहादुर साउँद, राधाकृष्ण मन्दिर संरक्षण समितिका अध्यक्ष चक्र बिष्ट लगायतका अतिथिहरूको उपस्थिति रहनु भएको थियो ।
कार्यक्रमको संचालन विद्यालयका शिक्षक शिवराज गौतमले गरेका थिए ।
