कैलाली – प्रतिनिधि सभा सांसद अरुण कुमार चौधरीले कैलाली क्षेत्र नं २ लम्कीचुहा नगरपालिका मोतिपुरमा रहेको ईलाका प्रहरी कार्यालयका प्रमुखसँग छलफल गर्नु भएको छ ।
सांसद चौधरी प्रहरी कार्यालयमै पुगेर प्रमुखसंग लम्की लगायत कैलाली क्षेत्र नम्बर दुईको सुरक्षा प्रबन्धका बारेमा छलफल गर्नु भएको हो । उहाँले सुरक्षा निकायका प्रमुखहरुलाई प्रभावकारी सुरक्षा प्रबन्ध गर्न आग्रह गर्नु भएको हो ।
ईलाका प्रहरी कार्यालय मोतिपुरका प्रमुख तथा प्रहरी निरीक्षक शंकर खड्का संग चौधरीले आफ्नो क्षेत्रको सुरक्षा अवस्थाकाबारेमा जानकारी लिँदै छलफल गर्नु भएको छ ।
शान्ति सुरक्षाको अवस्था सामान्य रहेको बताउँदै निष्पक्ष, स्वतन्त्र र भयरहित रुपमा जनताको सेवा गर्ने अनुरोध गर्नु भएको छ । पछिलो समयमा युवा हरुमा देखिएको लागू औसत दुर्व्यसनी युवा युवतीहरु लागू पदार्थको दुर्व्यसनका कारण समाजलाई गम्भीर असर पारेकोले लागूऔषधको गम्भीर असर सबैभन्दा बढी युवा पुस्तालाई पुग्ने गरेको भनेर दुर्व्यसनबाट कसरी बचाउने र युवा पुस्ताको भविष्य सुन्दर बनाउन कसरी सकिन्छ । सबै भन्दा बढी विद्यार्थीलाई बेलैमा जानकारी गराउनुपर्ने र दुर्व्यसनीमा फसेका युवाहरुलाई सुधार्न अभियान थाल्नुपर्ने आवश्यक्ता रहेको पनि बताउनुभयो ।
