मङ्लबार, माघ २४, २०७९

वैज्ञानिक मिडिया

Advertisment

SKIP THIS

चुनाबमा बोलेका कुरा पुरा गर्दै बर्दगोरियाका अध्यक्ष कुँवर:जनताले दिए धन्यबाद

बौनियाँ। कैलालीको बर्दगोरिया गाउँपालिका अध्यक्ष कुँवरले अपाङ्ग भएका व्यक्तिहरुलाई आफूले पाउने सेवा सुविधाबाट नगद सहयोग गरेका छन । उनले निर्वाचनका बेला बोलेका कुराहरुलाई जनता सामु ल्याउदै पालिकाका (क) र (ख) बर्गका अपाङ्ग भएका व्यक्तिहरुलाई राहात स्वरुप नगद रुपैया सहयोग गरेका हुन ।

गत जेठ देखि मंसिर मसान्त सम्म आफुले पाएको तलव र भत्ता बापतको रु ४ लाख ७ हजार रुपैया २ सय २९ जना (क) र (ख) वर्गका अपाङ्गता भएका व्यक्तिलाई नगद १ हजार ७ सय ७० रुपैयाँका दरले वितरण गर्नुभएको हो ।

कुँवरले आफ्नो ५ वर्षे कार्यकालमा पाउने सेवा सुविधालाई यस क्षेत्रमा रहेका विपन्न वर्ग, गरिब, विपन्न बालवालिका हरुलाई यसपछि पनि नगदसहित विभिन्न सामाग्री वितरण गर्ने लक्ष्य रहेको समेत बताए । जनप्रतिनिधि सेवा मुखी भएको बेला कैलालीमा रहेको बर्दगोरिया गाउँपालिकाका अध्यक्ष कुँवरले एक उदाहरणिय काम गरेका छन् ।

अध्यक्ष कुँवरले भने जनताको सेवा गर्न आएको हु ,तलब भत्ता खान होईन । उनले पालिकालाई आफ्नो कार्यकाल सम्म नमुना पालिका बनाएर अगाडी बढ्ने बताए ।

नगद पाउँदा अपाङ्गता भएका व्यक्ती समेत खुशी भएका छन । स्थानिय ले भने यस्तो जनप्रतिनिधि पाउनु हाम्रो भाग्य हो । हम्मी आज खुशी छौ ,जे जति भए नि हामीलाई सम्झेर दिनु भयो स्थानिय तेज थापाले बताए ।

सोही कार्यक्रममा बोल्दै बौनिया बजार व्यवस्थापन समितिका अध्यक्ष अमर बमले गाउपालिका अध्यक्षले निर्वाचनका बेला बोलेका कुरालाई पूरा गर्दै अगाडी बढ्न सफल भएको भन्दै प्रसंशा गरे ।

गाउँपालिका अध्यक्ष कर्ण कुँवरले आफुले पाएको तलब, भत्ता अपाङ्गता भएका व्यक्तिलाई सहयोग गरेर राम्रो कामको सुरुवात गरेको नेपाली काङ्ग्रेस बर्दगोरियाका सभापति कृष्ण बिस्टले समेत बताए । उनले भने अपाङ्गता भएका व्यक्ती मध्य बाट पनि गरिब, निमुखा छनौट गरेर बितरण गर्दा अझै राम्रो हुने बताए । उनले भने यस्तो कामको सबैले प्रसंशा गर्नु पर्छ ।

यसै गरि राप्रपा नेपाल बाट गाउपालिका अध्यक्षका उम्मेदवार बनेका नवीन जोशिले समेत अध्यक्ष कर्ण कुँवरले अपाङ्गता भएका व्यक्तिलाई नगद सहयोग गरेर राम्रो काम गरेको बताए ।

यस्तै स्थानिय हेमराज स्वारले समेत गाउपालिका अध्यक्ष कर्ण कुँवरले गरेको काम प्रसंशा गर्न लायक भएको समेत बताए । नगद बुझ्दै अगाडी बढेका सबै अपाङ्गता भएका व्यक्तिहरुले गाउपालिका अध्यक्ष कर्ण कुँवरले गरेको कामको प्रसंशा गर्दै धन्यवाद समेत दिए ।

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation
error: Content is protected !!