अछाम । नेपालको संविधान २०७२ को धारा ३५ मा स्वास्थ्य सम्बन्धि हक अन्तर्गत प्रत्येक नागरिकलाई स्वाच्छ खानेपानी तथा सरसफाइमा पहुँचको हक हुने छ भनि स्पष्ट ब्यवस्था गरिएको भएता पनी अछाम जिल्लाको ढकारि गाउँपालिका ढुगाँचाल्ना वडा नम्बर ६ मोय लगायत आसपासका गाउँहरूका स्थानीयहरूले वर्षौदेखि खानेपानीको समस्या झेल्दै आइरहेका छन् ।
खानेपानीको अभावका कारण वर्षौ देखि आफूहरूले समस्या झेल्दै आइरहेको ढुगाँचाल्ना मोयका ४३ वर्षीय नवल सिहँ कामीले गुनासो गर्नु भयो ।
ढुङ्गाचाल्ना बजार लगायत आसपासका गाउँका स्थानीयले वर्षौ देखि खानेपानीको समस्या झेल्दै आएको भए पनि सरोकारवाला पक्षले ध्यान दिन नसकेको ढकारि गाउँपालिका ढुङाचाल्ना मोयका स्थानिय तपेन्द्र बुढाको आरोप छ ।
धारामा कहिले काही मात्रै पानी आउने गरेका कारण गाउँ बाट खोला जान आधा घण्टाको दुरीमा रहेका मुलको पानि पालो कुरेर खानेपानी बोक्नु पर्ने बाध्यता वर्षौ देखि झेल्नु परेको स्थानीय ३५ वर्षीय भिम बुढाले दुखेसो पोख्नु भयो ।
उहाँले भन्नु भयो – ‘फागुन चैत शुरू भएदेखि खानेपनीको चरम समस्या उत्पन्न हुन्छ । वर्षातको समयमा झनै समस्या हुने गरेको छ । लुगा धुनका लागि आधा घन्टाको बाटो खोलामा जानु पर्ने बाध्यता छ ।’
ढकारि गाउँपालिका ६ ढुङ्गाचाल्ना मोयमा जनसंख्या अत्याधिक भएको र जनसंख्या अनुसारको खोनीपानीको आपुर्ति न्यून हुने गरेका कारण स्थानीय तथा सर्वसाधारणलाई वर्षौ देखि खोनीपनीको समस्या हुने गरेको स्थानीय बासिन्दाहरुको गुनासो छ।
ढुगाँचाल्ना मोयमा आउने पानीको पाइपलाइन पुरानो भएको र ठाउँठाउँमा चुहीने गरेका कारण खानेपानीको समस्या बढदै गएको खानेपानी वितरक चौकीदार हर्क बिकले बताउनु भयो ।
उहाँले भन्नु भयो – ‘खानेपानी समस्याका कारण बालबालिकालाई विद्यालय पठाउन तथा समयमै सरसफाइ गर्न समेत समस्या हुने गरेको छ ।
