कैलाली । सन्त निरंकारी मण्डल बौनियाँद्वारा बर्दगोरिया धाम सरसफाई कार्यक्रम गरिएको छ । सन्त निरंकारी मण्डल बौनियाँ शाखाले सत्गुरु बाबा हरदेव सिंह जी महाराजको जन्मोत्सवको अवसरमा ‘स्वच्छ जल, स्वच्छ मन, स्वच्छ जल, स्वच्छ कल’ भन्ने नारा सहित सन्त निरंकारी सत्गुरु माता जीको पवित्र उद्गारलाई कार्यान्वयन गर्ने सिलसिलामा निःस्वार्थ भावनाले बर्दगोरिया धाममा रहेका ताल ,मेला लाग्ने स्थल,मन्दिर परिसर,पानीका मुहान ,सडक मन्दिर परिसर क्षेत्रमा फागुन १३ गते बिहान ८ बजे देखि ११:४५ बजेसम्म सरसफाई गरिएको सन्त निरंकारी मण्डल नेपाल शाखा बौनियाँका मुखी विजय सिंह कुंवरले वैज्ञानिक मिडियालाई बताउनु भयो । उक्त सरसफाई अभियानमा सन्त निरंकारी सत्संग भवन बौनियाँबाट निरंकारी सेवादल करिब ११० स्वयं सेवक तथा सन्त महात्माहरुको गरी करिब १५० सहभागीतामा सरसफाई गरिएको सन्त निरंकारी मण्डल नेपाल शाखा बौनियाँका मुखी कुंवरले बताउनु भयो । सन्त निरंकारी मण्डल नेपाल शाखा बौनियाँले समय–समयमा बिभिन्न कार्यक्रम गर्दै आएको छ ।
मण्डलले सरसफाई तथा बृक्षा रोपण, रक्त दान, अन्य थुप्रै समाजिक कार्यहरूमा सन्त निरंकारी मण्डल नेपाल शाखा बौनियाँले गर्दै आएको छ । (प्रदुषण भित्र होस या बाहिर दुबै हानिकारक हुन्छ ) “धर्मले जोड्छ तोड्दै र रगत नालीमा होइन नाडीमा बगौऊ ” भन्ने जस्ता उद्गार भनाई निरंकारी बाबा हरदेब सिंह जी का रहेका छन । साथै दिउसो ११ बजे देखि नव निर्वाचित सत्संग भवनमा केन्द्रित अध्यक्ष नर बहादुर रावलको अध्यक्षतामा सत्संग भएको थियो । उक्त संस्थाले आज देशभर सामाजीक कार्यक्रम गरेर दिवस मनाएको छ । संस्थाले हरेक वर्षको आजको दिन सत्गुरु बाबा हरदेव सिंह जी महाराजको जन्मोत्सवको अवसरमा यो दिवस मनाउदै आएको छ । सरसफाई कार्यक्रम बर्दगोरिया गाउँपालिका उपाध्यक्ष गणेश राज गिरी (लालदीप) प्रमुख अतिथि रहनु भएको थियो ।
सरसफाई कार्यक्रममा सन्त निरंकारी मण्डल नेपालका केंद्रीय सदस्य तथा ज्ञान प्रचारक देव राज रिमाल रहनु भएको थियो । कार्यक्रमको सञ्चालन यूनिट न ९९८ सेवा दल शिक्षक सुरज विष्टले सञ्चालन गरेको कार्यक्रममा सन्त निरंकारी मण्डल नेपाल शाखा सडकपुर बौनियाँका मुखी विजय सिंह कुंवरको अध्यक्षतामा सरसफाई कार्यक्रम सम्पन्न भएको थियो । बछूरिया सत्संग मुखी जनक साउँद, सेवा दल सञ्चालिका जगत रानी चौधरी, सेवा दल अधिकारी श्री राम जोशी लगायतका अतिथिहरूको सहभागिता रहेको थियो । सन्त निरंकारी मण्डल नेपालले बाबा हरदेव सिंह जी महाराजको सम्झनामा नेपाल अधिराज्यभरि रहेका आफ्ना सत्संग भवनहरुमा २०७९ बैशाख ३१ शनिबार (१४ मई २०२२) का दिन समर्पण दिवस मनाउने भएको छ । युगद्रष्टा सत्गुरु बाबा हरदेव सिंह जी महाराजले विश्वमा शान्ति र विश्व भाइचारा स्थापित गर्न सत्गुरुको रुपमा आफ्नो जीवनको ३६ वर्षसम्म सन्त निरंकारी मिशनलाई समर्पण गर्नुभयो । उहाँले आफ्ना लाखौ अनुयायीहरुलाई एकत्व, प्रेम र शान्तिको पथप्रदर्शन गर्नुभयो । ६ वर्ष अघि उहाँले आफ्नो नश्वर शरीर त्याग गरेर यस निराकारमा लिन हुनुभयो ।
बाबा हरदेव सिंह जी महाराजको स्मरणमा बाबा जीप्रति हार्दिक श्रद्धासुमन अर्पण गर्दै १३ मई २०२२ का दिन विश्वभरि विगतको जस्तै समर्पण दिवस मनाउने कार्यक्रम रहेको कुरा सन्त निरंकारी मण्डल नेपालले एक प्रेस विज्ञप्ति जारीगरि उल्लेख गरेको छ । नेपालमा पनि यहाँका हरेक सत्संग भवनहरुमा यहि मिति २०७९ फागुन १३ गते शनिबारका दिन बाबा हरदेव सिंह जी महाराजको जीवनी र मानव कल्याणका लागि बाबा जीले दिनुभएको शिक्षाको चर्चा र सम्झना गर्दै समर्पण दिवस मनाउन सम्पूर्ण सन्त–भक्तहरुलाई अनुरोध गरेको छ । बौनियाँ सत्संग भवनमा पनि समर्पण दिवसको अवसरमा शनिबार १३ फागुनका दिन बिहान ११ बजेदेखि दिउँसो १ बजेसम्म सत्संग कार्यक्रमको आयोजना गरिनुको साथै सहभागी सम्पूर्ण सन्त–भक्तहरुलाई लंगर (खाना) को पनि ब्यवस्था गरिएको कुरा बौनियाँ भवनका मुखी कुँवरले वैज्ञानिक मिडियालाई बताउनुभयो । उहाँले भन्नुभयो– ‘यसमा सम्पूर्ण सत्संग प्रेमीहरु आउन सक्नु हुन्छ, यस्तो होइन कि केवल निरंकारी अनुयायी मात्र आउन पाउने, सबैले सहभागी भएर बाबा हरदेव सिंह जीले विश्व कल्याणको लागि गरिएको योगदानको बारेमा जान्न–बुझ्न सकिने छ ।
