सान फ्रान्सिस्को। अमेरिकाको सान फ्रान्सिस्कोमा हुने एसिया प्यासिफिक इकोनोमिक कोअपरेसन (एपेक) शिखर सम्मेलन अघि सहरको राजधानी क्षेत्रबाट लागुऔषध दुव्र्यसनी, व्यापारी र घरबारविहीन मानिसहरु चमत्कारी रुपमा बेपत्ता भएका छन् ।
न्यूयोर्क पोस्टले स्रोतलाई उद्धृत गर्दै भनेका छन् कि शिखर सम्मेलनको तयारीमा घरबार विहीनहरूलाई शहरका अन्य भागहरूमा सारिएको छ। सम्मेलनमा अमेरिकी राष्ट्रपति जो बाइडेन र चिनियाँ समकक्षी सी जिनपिङलगायत धेरै अन्तर्राष्ट्रिय नेताहरू सहभागी हुदैँछन ।
शहरका बासिन्दाहरू र व्यवसाय मालिकहरूले यी प्रयासहरूलाई गम्भीर समस्याको अस्थायी समाधान भनेका छन्, विशेष गरी लागूपदार्थको ओभरडोज सहरमा प्रमुख समस्या बनेको छ।समाचार अनुसार सहरले टेन्डरलोइन र साउथ अफ मार्केट छिमेकीहरूको विशेष क्षेत्रहरूमा ध्यान केन्द्रित गरेको छ, जहाँ घरबारविहीन शिविरहरू र लागूपदार्थको प्रयोगकर्ता बढी मात्रामा देखिन्छन् । यस क्षेत्रलाई सुदृढ पार्ने प्रयासहरूमा पाल हटाउने र त्यहाँ प्रहरी तैनाथी बढाउने समावेश रहेको छ।
सोमा सामुदायिक कार्यकर्ता रिक्की ली वाइनले भने कि सहरका कार्यहरूले यी समस्याहरू समाधान गर्ने क्षमता प्रदर्शन गर्दछ तर छोटो अवधिको समाधानको रूपमा मात्रै ।‘समस्यालाई यता उता मोडिन्छ, स्थायी समाधान खोजिन्न्’एपेक शिखर सम्मेलनका लागि सान फ्रान्सिस्कोमा २० हजार आगन्तुक आउने अपेक्षा गरिएको छ । त्यसको तयारीमा संघीय भवन वरपरलगायत अन्य क्षेत्रमा लागुऔषध प्रयोगका लागि खुला बजार हटाउने कदमहरू पनि चालिएका छन्।
समाचारमा भनिएको छ क ित्यसभवन भवन पहिले घरबारविहीन र लागुऔषध प्रयोगकर्ताले ओगटेको हुनाले सुरक्षाको चिन्ताका कारण संघीय कर्मचारीलाई घरबाटै काम गर्न सल्लाह दिईएको थियो ।स्थायी समाधान नहुँदा समस्या मात्रै घुम्न थालेको स्थानीयको भनाइ छ । यसैबीच, शहरका अधिकारीहरू शिखर सम्मेलनलाई ध्यानमा राख्दै निश्चित सडक र क्षेत्रहरू सफा गर्न सक्रिय रूपमा काम गरिरहेका छन्।
