कैलाली । कैलालीको मोहन्याल गाउँपालिका ३ का युवाहरुको सहकार्यमा विपन्न परिवारलाई राहत वितरण गरिएको छ । समाज सुधार युवा संगठनले शनिबार घरमै पुगेर नगदसहित खाद्यान्न वितरण गरेको हो ।
लामोसमय देखि शारीरिक रुपले अशक्त सोही वडा बस्ने ३० वर्षीया गीता बोहरा विष्टको परिवारलाई राहत सहयोग गरिएको उक्त संगठनका गणेश टमट्टाले बताए ।शारीरिक रुपमा अशक्त विष्टका श्रीमान्सहित एक छोरा र एक छोरी छन् । उनका श्रीमान् मानबहादुर विष्ट समेत लामो समयदेखि मानसिक समस्याबाट पीडित छन् । 
घरपरिवारको आर्थिक अवस्था अति नै कमजोर भएको र कमाई गर्ने श्रीमान् समेत समस्या परेपछि नेपाल र भारतमा रहेका युवाहरुको समन्वय तथा सहकार्यमा राहत वितरण गरिएको राहत वितरणमा सहभागि सुनिल टमट्टाले बताए ।विष्टको परिवारलाई नगद पाँच हजार रुपैयाँ र ५० किलो चामल, ५ पोका खानेतेल, ५ किलो दाल र ४ किलो नुन वितरण गरिएको छ ।
युवाहरुले यसअघि सोही ठाउँका सात घरपरिवारलाई खाद्यान्न सहयोग गरिएको र आगामी दिनमा पनि अपांगता, अशक्त, एमल महिला तथा विपन्न गरिवारलाई सहयोग गर्ने योजना रहेको उनले बताए । 
रोजगारीको सिलसिलामा भारतका रहेका विभिन्न युवाहरुले आफ्नो दैनिक खाजा खर्च कटाएर संकलन गरि नेपालमा पठाइएको रकमले खाद्यान्न तथा नगद उपलब्ध गरिएको स्थानीय कमला बमले बताइन् ।भारतमा बस्दै आएका कपिल टमट्टा (केपी) को समन्वयमा २७ जना युवाहरु मिलेर उक्त राहत उपलब्ध गरिएको बताइएको छ ।
