कैलाली। बर्दगोरिया गाउँपालिकाको कार्यालयमा कार्यरत प्रमुख प्रशासकीय अधिकृत प्रकाश ढुङ्गानालाई विदाई गरिएको छ ।उनको सरुवा छिमेकी जोशीपुर गाउँपालिकामा भएपछि पालिकाले एक कार्यक्रम गरी विदाई गरेको हो । बर्दगोरिया गाउँपालिका अध्यक्ष कर्ण बहादुर कुँवरको अध्यक्षतामा भएको कार्यक्रममा जनप्रतिनिधि , विभिन्न शाखा प्रमूख तथा कर्मचारीहरुले ढुङ्गानालाई फूलमाला , अविर तथा दोसल्ला ओढाई विदाई गरेका थिए ।अधिकृत ढुङ्गाना २०८० साल पुष ११ गते अछाम जिल्लाको बानीगढी गाउँपालिका बाट कैलालीको बर्दगोरिया गाउँपालिकामा हाजिर भएका थिए । उनको सरुवा ८ महिना पछि जोशीपुर गाउँपालिकामा भएको हो ।कार्यक्रममा शिक्षा शाखा प्रमुख नन्दाकुमारी भट्टले स्वागत गरेकी थिईन् भने जनप्रतिनिधिका तर्फबाट गाउँपालिका उपाध्यक्ष गणेशराज गिरी (लालदीप) , कर्मचारीका तर्फबाट प्रशासकीय अधिकृत प्रकाश ढुङ्गानाले विदाई मन्तव्य राखेका थिए । कार्यक्रमको संचालन प्रशासन शाखा प्रमूख गोविन्द राज रेग्मीले गरेका थिए ।