कैलाली । कैलालीको बर्दगोरिया गाउँपालिका वडा नम्बर ३ स्थित बुटकौवामा निर्माण भएको राधाकृष्ण डीप ट्युवेल सिचाइ आयोजनाको बिहिवार एक कार्यक्रमका विच उद्घाटन भएको छ । आयोजनाको बर्दगोरिया गाउँपालिका अध्यक्ष कर्ण बहादुर कुँवरले उद्घाटन गरेका हुन । झण्डै १ करोडको लागतमा आयोजना सञ्चालनमा ल्याइएको हो ।
सिचाई आयोजना संचालनमा आएपछि स्थानीयहरु हर्षित भएका छन । हाल सिचाइ आयोजनाको लागि १ हजार ६ मिटर लामो पाइप बिस्तार गरि आयोजना संचालन गरिएको छ । सिचाइ आयोजनाबाट यहाँका दुईसय घरधुरीहरु लाई प्रत्यक्ष पानीको सुविधा प्राप्त भएपछि किसानहरु कृषिजन्य खेति गर्न थप प्रेरित भएका छन । आयोजनाले करिब ६० बिघाह जमिन सिचाइ गर्न मद्दत पुग्ने भएको छ ।
सिचाइ आयोजनाको उद्घाटन गर्दै पालिका अध्यक्ष कर्ण बहादुर कुवरले किसानलाई कृषि कार्यका लागि थप सहयोग पुग्ने बताए । उनले यहाँका किसानले लामो समयदेखि भोग्दै आएको सिचाइको असुबिधा अबदेखि अन्त्य भएको बताए । उनले बर्दगोरियालाई कृषि क्षेत्रमा अब्बल र आत्मनिर्भर बनाउनका लागि आफू प्रतिबद्ध रहेको बताए ।
सिचाइ आयोजनाको उद्घाटन समारोहमा वडा नम्बर ३ का अध्यक्ष मनऋषि आचार्यलगाएतको उपस्थिति रहेको थियो ।
