धनगढी। सन नेपाल लाइफ इन्स्योरेन्स कम्पनी लिमिटेड सुदूपश्चिम प्रदेश द्धारा धनगढीमा प्रदेश स्तरीय मार्केटिङ्ग म्यानेजर सम्मान कार्यक्रम सम्पन्न भएको छ।
धनगढी स्थित गाडेन होमस्टे रिसोडको सभा हलमा शनिवार उत्कृष्ट मार्केटिङ म्यानेजर (एमएम) अभिकर्ताहरुलाई एक कार्यक्रमको आयोजना गरि सम्मान गरिएको हो।
सन नेपाल लाइफ इन्स्योरेन्स कम्पनी लिमिटेडका धनगढी शाखाका प्रमुख योगेन्द्र बिकरम अधिकारीको अध्यक्षतामा सम्पन्न कार्यक्रममा कम्पनीका कार्यकारी अधिकृत राज कुमार अर्याल प्रमुख अतिथि रहनु भएको थियो। टिकापुर उप-शाखा प्रमुख केशव तिमिल्सेनाको स्वागत मन्तव्य सँगै सुरु भएको कार्यक्रममा प्रदेश भरि रहेका विभिन्न शाखा र उप शाखा बाट उत्कृष्ट मार्केटिङ म्यानेजर (एमएम) बनु भएकाहरुलाई हौसाला प्रदानको लागि सम्मान गरिएको थियो।
लम्की शाखा मार्केटिङ्ग प्रमुख डम्मर बहादुर बुढा,सुखड उप शाखा प्रमुख साहदेव चौधरी,वीर बहादुर खाती र नवराज बुढा, सेव राना, लगायतका उप शाखा प्रमूखहरुको उपस्थिति रहेको थियो। सुदूपश्चिम प्रदेश भरि सन नेपाल लाइफ इन्स्योरेन्स कम्पनीको ३ वटा शाखा कार्यालय छन् भने १९ वटा उप शाखा कार्यालय छन् ।
सम्मान कार्यक्रममा लम्की शाखाका वरिष्ठ मार्केटिङ्ग म्यानेजर बुद्धि प्रसाद खनाल, सुखड उप शाखाकी बेहरी कुमारी थरुनी, धनगढी शाखा सोस्थी प्रधान ,लम्की शाखाका गगन विश्वकर्मा र बेलौरी उप शाखा कलावती रानाले आफ्ना भनाईहरु राख्नु भएको थियो।
सन नेपाल लाइफ इन्स्योरेन्स कम्पनीले सुदूपश्चिम प्रदेश भरि रहेका ९४ जनालाई दोसला र प्रशंसा पत्र प्रदान सहित सम्मान गरिएको थियो।
कार्यक्रमको सञ्चालन सन नेपाल लाइफ इन्स्योरेन्स कम्पनी लिमिटेड सुदुरपश्चिम प्रदेश प्रमुख लक्ष्मी कान्त जैशीले गर्नु भएको थियो।
