कैलाली । कैलाली क्षेत्र नम्बर २ का संघीय सांसद अरुण कुमार चौधरीले लम्कीचुहा नगरपालिका, बर्दगोरिया र जानकी गाउँपालिकामा रहेका खोला नदीले कटान प्रभावित ठाउँहरुको अनुगमन गर्नुभएको छ ।
हरेक बर्ष आउने लगातार परेको भारि वर्षाका कारण नदी बढ्दा विभिन्न ठाउँमा नदीले जमिन कटान गरेको छ ।
नदी नजिकका बस्तीमा खोलाको पानी पसे पछि सयौँ जमीन काट्न गर्दै आएको छ। सो को अनुगम गर्न उहाँ आज (आईतबार) त्यहाँ पुग्नुभएको हो ।
जमिन कटान र नदिको बहाब नियनत्रणका लागि गरिएको तटबन्धन पानीले ठाउँ ठाउँमा भत्काएको छ । सांसद चौधरी सगै रानी जमरा कुलरिया सिँचाइ आयोजनाका इन्जिनियर विक्रम राई र रोशन भक्त सुवाल,नागरिक उन्मुक्ति पार्टीका केन्द्रीय सदस्य दश राम चौधरी ,कैलाली जिल्ला सचिव भक्त चलाउने,जिल्ला सदस्य सचिव चौधरी र रामजीवन चौधरी लगायतका नेता कार्यकर्ताहरुको जनताहरूको सहभागितामा रहेकाे थियाे।
लम्की चुहा नगरपालिका वडा नम्बर १ रोरा पुलको बस्ती उदयपुरमा रोरा खोलाको कटान,चौरिपुर स्कुल पछाडि लम्की चुहा ४ र वडा नम्बर ६ जोडने चोरी खोलामा निर्माण गर्नु पर्ने पुल र छेउको कटान अवलोकन,लम्की चुहा ६ लोहरपुरमा चोरी नदिले कटान गरेको क्षेत्रको अवलोकन पछि चुहा र तोरिपुर भएर बग्ने पथरिया नदि कटान र पुल निर्माण गर्नु पर्ने ठाउँ अवलोकन,वडा नम्बर १० मा बनखेत कटान क्षेत्रको टोलिले अवलोकन गरेको थियो । तेस्तै लम्की चुहा ६ मा पर्ने प्रतापपुर जाने बाटोमा कटान अवलोकन गरेर लम्की चुहा ९ खमरिया हुँदै वडा नम्बर ७ को चादको पार,हर्दानी नदि कटान अवलोकन गर्दै,हर्दानी र खैरेनी जोड्ने जिर्ण कल्वटको अवलोकन गर्दै जानकी गाउँपालिका २ परागीपुर जोडने पुलको अनुगमन गर्नु भएको थियो ।
अवलोकन पछि आफ्नो कुरा राख्दै सांसद अरुण कुमार चौधरीले कटान क्षेत्रमामा रानी जमरा कुलरिया परियोजना बाट बजेट हालेर आउने आर्थिक वर्ष भित्र नदि कटान नियन्त्रण गर्न पहलगर्ने बताए र थप बजेट नेपाल सरकारका विभिन्न निकाय बाट ल्याउने बताए ।
आफ्नो ५ वर्षीय कार्यकाल भित्र आवस्यक ठाउँ हरुमा पुल निर्माण गर्न र तटबन्ध गर्ने भरपुर पहल गर्ने बताए ।
विषेश गरि लम्की चुहा वडा नम्बर ४ र ६ जोडने चौरिपुर स्कुल पछाडि पुल अति नै आवश्यक रहेकाले पुल निर्माणमा लाग्ने चौधरीले बताए । उनले भने रातो किताबमा पुल परेको छ यश विषयमा भौतिक मन्त्री सङ्ग पटक पटक बसेकाले बजेट आउँछ म आफ्नो ५ वर्षीय कार्यकालमा जसरी पनि पुल बनाउछु ।
सांसद चौधरीले भने चुहा र तोरिपुर मलभंगा जोड्ने पथरिया नदिमा पक्की पुल रातो किताबमा परेको छ । अब छिटै टेण्डर आह्वान गरेर काम सुचारु हुन्छं । जहाँ पनि जनताको समस्या छ मलाई खबर गर्नु होस म जनताको सेवक हो महिले सकें जति सेवा गर्ने छु माननीय चौधरी बताए।
