कैलाली। खेल क्षेत्रको विकास संगै सामाजिक विभेदका विरुद्ध सबैले बोल्नुपर्ने सरोकारवालाहरुले जोड दिएकाछन् । श्री कृष्ण जन्माष्टमीको अवसरमा श्री शम्भु सुनन्दा युवा क्लब लम्कीचुहा नगरपालिका ६ चैनपुरले आयोजना गरेको अतिरिक्त क्रियाकलाप सहित विविध खेलकुद कार्यक्रमको उद्घाटन समारोहमा बोल्ने वक्ताहरुले खेल क्षेत्रको विकास संगै परिवर्तनका लागि सामाजिक विभेदका विरुद्ध सबैले बोल्नुपर्नेमा जोड दिएकाहुन् ।
कार्यक्रमका प्रमुख अतिथि एवम् लम्कीचुहा नगरपालिका ६ नम्बर वडा अध्यक्ष लोकेन्द्र कठायतले क्लबले विगत लामो समयदेखि खेल क्षेत्रको विकासमा राम्रो काम गर्दै आएको बताए । समग्र खेल क्षेत्रको विकासमा स्थानीय वडा सरकारले सहयोग गर्ने बताउँदै सामाजिक परिवर्तनका पक्षमा सबैले बोल्नुपर्ने उनले बताए । उनले भने –“ नगरस्तरिय खलेकुद चैनपुर खेलमैदानमा आयोजना गर्न पहल गर्नेछु ।”
निवर्तमान वडा अध्यक्ष एवम् कार्यक्रमका विशिष्ट अतिथि नेत्र सुनाखरी मगरले समाजमा सबैले मिलेर बस्नुपर्ने भन्दै सामाजिक र मानविय विकासमा लगानी गर्नुपर्ने बताए । आफ्नो कार्यकालमा सहयोग गर्ने सबैलाई धन्यवाद व्यक्तगर्दे खेलको माध्यामबाट गाउँ समाज र देशलाई चिनाउन सकिने उनले बताए । सरकार एक्लैले मात्र केही गर्न नसक्ने भन्दै सामाजिक विकासका काममा सबैले अग्रसर हुनुपर्नेमा मगरले जोड दिए ।
नेकपा माओवादी केन्द्र ६ नम्बर वडा कमिटि अध्यक्ष ढक बहादुर विकले समाजमा अहिले पनि विभेद कायमै रहेकोले विभेदका विरुद्ध सबैले आवाज उठाउनु पर्ने बताए । विभेदपूर्ण समाजबाट परिवर्तनको आसा गर्न सकिदैन । खेल क्षेत्रको विकासमा लागेका युवाहरुले पनि सामाजिक परिवर्तनका पक्षमा सामाजिक काम गर्नुपर्ने उनले बताए ।
नेपाली कांग्रेसका वडा पार्टी सभापती जयप्रकाश जोशीले खेलकुद विकासमा स्थानीय सरकारले लगानी गर्नुपर्ने बताए । नेकपा एमालेका वडा कमिटि अध्यक्ष पदम खड्काले खेल क्षेत्रमा लागेका युवाहरुमा अनुशासन हुनुपर्ने बताए ।
सामाजिक परिवर्तन बिना समाज अगाडी नबढ्ने भन्दै परिवर्तनका पक्षमा सबै एकभएर अभिनुपर्नेमा खड्काले जोड दिए । कार्यक्रममा कलाकारहरुले साँस्कृतिक प्रस्तुती पनि देखाएका थिए । बाल कलाकार जीवन बिसीले गीत गाएका थिए भने पल्लवी पुष्पलताले एकल नृत्य प्रस्तुत गरेकी थिईन ।
क्लबका अध्यक्ष लोगबहादुर बिकको आध्यक्षतामा भएको कार्यक्रममा स्वागत मन्त्व्य दिपक विकले राखेका थिए भने संचालक शेरु बिष्टले गरेका थिए । फुटबल प्रतियोगीता संगै विविध कार्यक्रम आयोजजा गरिने क्लबका अध्यक्ष अध्यक्ष लोगबहादुर बिकले जानकारी दिएकाछन् ।
