धनगढी । कैलाली उधोग बाणिज्य संघ ले आयोजना गर्ने सुदुरपश्चिम महोत्सव ३ दिन पछि शुरु हुँदै छ ।
महोत्सव को तयारी लगभग पूरा भएको संघ ले जनाएको छ । संघकि कार्यकारी निर्देशक गोमा अधिकारी ले १७ औँ संस्करण बिगत को भन्दा फरक हुने बताईन । यसपाली महोत्सवमा खल्ती एप्स बाट अनलाइन टिकट पनि काटन सकिने उनको भनाई छ ।
महोत्सव पशुपति टोल को खुल्ला चौरमा संचालन हुनेछ । ११ दिन सम्म चल्ने महोत्सवमा चौधरी सामुदाय को खानपिन र थारु संस्कृति झल्किने संघरालय समेत राखिएको छ ।
महोत्सवमा झन्डै ४ सय स्टलहरु रहने छन् । महोत्सवमा बिबिध साँस्कृतिक कार्यक्रमको साथै राष्ट्रिय तथा स्थानीय कलाकारहरुले प्रस्तुत दिने छन् । महोत्सव को उदघाटन प्रधानमन्त्री पुष्पकमल दाहाल ‘प्रचण्ड’ ले गर्ने संघ ले जनाएको छ ।
