कैलाली । बर्दगोरिया गाउँपालिका वडा नम्बर ४ मा जग्गाको नाप नक्साको काम सुरु भएको छ । शुक्रबार एक औपचारिक कार्यक्रम गर्दै पालिका अध्यक्ष कर्ण बहादुर कुँवरले नाप नक्साको काम सुरुवात भएको जानकारी गराएका हुन । भुमिहुन दलित ,भुमिहिन सुकुम्बासी र अव्यवस्थित बसोबासीहरुलाई जग्गा धनिपुर्जा बितरण गर्ने कार्य अनुरुप जग्गा नाप नक्साको काम सुरु भएको हो । बर्दगोरियामा जग्गा नाप नक्साको काम १,२,३,५, र ६ वडामा सम्पन्न भए पछि वडा नम्बर ४ मा शुक्रबार आज बाट जग्गाको नाप नक्साको कार्य सुरु भएको हो।
शुक्रबार वडा नम्बर ४ का अध्यक्ष जगत बहादुर शाहीको सभापतित्वमा भएको कार्यक्रमका प्रमुख अतिथी बर्दगोरिया गाउपालिका अध्यक्ष कर्ण बहादुर कुँवर रहेका थिए । पालिकाले जति सक्दो चाडो जग्गा नाप नक्साको काम सक्छ, सोही अनुसार लालपुर्जा बितरण गर्ने पालिका अध्यक्ष कर्ण बहादुर कुँवरले बताए । आफुले चुनाताका बेला बोलेका कुरालाई बिस्तारै पूरा गर्दै अगाडि बढेको बताए । कार्यक्रममा वडा नम्बर १ का अध्यक्ष मिथुन गौतम, वडा नम्बर २ का अध्यक्ष गोबिन्द बि क ,कार्यपालिका सदस्य पुष्कर बि क , वडा सदस्य लगाएतको उपस्थिति रहेको थियो ।
कार्यक्रममा पालिका अध्यक्ष कर्ण बहादुर कुँवरले जग्गा नाप नक्सा गर्ने कर्मचारीलाई सहयोग गर्न सम्पुर्ण स्थानिय वासीलाई आग्रह गर्नुभयो । उहाले भन्नुभयो हामीले सबै वडामा जग्गा नाप नक्साको काम सकाएका छौ बाकी रहेको यहि ४ नम्बर हो सबैले साथ सहयोग गरे पुस महिनामा सकिन्छ । 
समापन गर्दै वडा नम्बर ४ का अध्यक्ष जगत बहादुर शाहिले जग्गा नाप नक्सा गर्ने कर्मचारीहरुलाई सबैले सहयोग गरेर चाडोभन्दा चाडो सक्न तर्फ सहयोग गर्नु पर्ने बताए । उनले भने स साना कुरामा बिबाद नगरी जग्गा नाप नक्सा गर्ने कार्यमा सहज बाताबरण बनाउन सबैलाई आग्रह गर्दछु । वडा सदस्य अशोक चौधरीले स्वागत गरेको कार्यक्रमको संचालन कर्मचारी करिस्मा चौधरिले गरेकी थिइन ।
