बौनिया । कैलालीको बर्दगोरिया गाउँपालिका वडा नम्बर ६ मा संचालन हुने माघी मिलन तथा धार्मिक पर्यटकीय तिर्थ मेलाको तयारी पूरा भएको छ । मेलाको दिउँसो १ बजे बर्दगोरिया गाउँपालिकाका अध्यक्ष कर्ण बहादुर कुँवरले उद्घाटन गर्ने कार्यक्रम रहेको आयोजक कमिटीले जानकारी दिएको छ । मेला संचालनका लागी सरसफाई लगाएत थारु गाउँ बनाउने घरहरु तयार भइ सकेका छन । साथै ताल नजिक रहेका जंगल सरसफाई गरिएका छ्न् भने व्यवसायीहरुले आ आफ्ना व्यवसायी पसलहरु स्थापना गरिसकेका वडा अध्यक्ष राम कृष्ण डगौरा थारुले जानकारी दिए ।
पहिलो पटक भव्य रुपमा संचालन हुन लागेको मेलामा बोटिङ्ग गर्न पाइने भएको छ । मेलालाई थप आकर्षक बनाउन तथा मेलामा आउने दर्शनार्थी तथा अवलोकनकर्ताहरुको मागलाई मध्यनजर गरि बोटिङ्गको व्यवस्थापन गरिएको वडा अध्यक्ष डगौराले बताए । 
मेलालाई थप आकर्षक बनाउन र आन्तरिक पर्यटन प्रवर्द्धनलाई माथि उकास्न स्थानीय तालमा बोटिङ्ग संगै बच्चाहरुका लागि झुला चर्के पिङ लगाएतको व्यवस्था गरिएको आयोजकले जनाएको छ ।
साथै मेलामा चर्चित कलाकारहरुको पनि बेजोड प्रस्तुतिहरु रहने आयोजकले जानकारी दिएको छ । मेलामा करिब एक दर्जन बढी कलाकारहरुले आ आफ्नो साङ्गितिक प्रस्तुतिहरु प्रस्तुत गर्ने छन । मेलाम चर्चित थारु महालोक गायक मनिराम करिया मघरिया, चर्चित मोडेल तथा डान्सर रितु चौधरी, टिकटक स्टार दिपिका जि एच, गायिका संगीता चौधरी , मोडेल तथा डान्सर सुनित्रा चौधरी गायक तथा उद्घोषक खुशी रत्गैया लागाएत एक दर्जन बढी कलाकारहरुले प्रस्तुती दिने छन । मेलामा ५० रुपैयाँमै बोटिङ्ग गर्न पाइनेछ । वडा नम्बर ६ को आर्थिक सहयोगमा, राम जानकी सेवा समाज भक्तिनिया अस्थान तिर्थ मेला व्यवस्थापन समितिले यहि माघ १ गतेदेखि ६ गतेसम्म वडा नम्बर ६ को सुगरखाल स्थित भक्तिनिया स्थानमा मेलाको आयोजना गरेको छ ।बर्दगोरिया ६ मा रहेको राम जानकी धार्मिक क्षेत्रको प्रचारप्रसार गर्ने र आन्तरिक पर्यटनको प्रवर्द्धनका साथै आपसी सद्भभावका लागि माघी मिलन सास्कृतिक कार्यक्रम तथा तिर्थ मेलाको आयोजना गरिएको मेला व्यवस्थापन समितिका अध्यक्ष राज कठरियाले बताउनुभयो ।
स्थानीय रामजानकी मन्दिरको प्राङ्गणमा हुने कार्यक्रममा स्थानिय तथा राष्ट्रिय कलाकारहरुको प्रस्तुतिका साथै विभिन्न झाकी तथा नृत्यहरु समेत प्रस्तुत गरिने छ । मेलामा थारु समुदायका परिकार र कला संस्कृति र मौलिकता झल्काउने भेषभुषा,नृत्य र पंचे बाजासहितको, झाँकीहरु, थारु पौराणिक लोक सास्कृतिक कार्यक्रमका साथै देउडा र दोहोरी गीतको समेत प्रस्तुति राखिने सास्कृतिक व्यवस्थापन समितिले जनाएको छ ।
मेलामा हनुमान मम्दिर,कैलेस्वर बाबा मन्दिर, राम जानकी मन्दिर, नवनिर्मित झोलुंगे पुल तथा बोटिङ्ग मुख्य आकर्षक हुनेछ्न ।
