कैलाली – सुदुरपश्चिम प्रदेश कैलाली जिल्ला बर्दगोरिया गाउँपालिका वडा नम्बर ४ का वडा अध्यक्ष जगत बहादुर शाहीले आफ्नो तलब भत्त्ताको रकम न्यानो कपडामा सहयोग गरेका छन्। वडा अध्यक्ष शाहीले सोमबार एक समारोहका बीच पालिकाको वडा नम्बर ३ को एक विद्यालयका ३५ थान सुइटर र ३५ थान सिसा कलम ३५ जना विद्यार्थीको लागि न्यानो कपडा वितरण गरेका हुन्। 
३५ थान सिसा कलम शाही आल्मुनियम स्टील डेकोरेशन उधोगले सहयोग गरेको छ। रानीकुण्डामा रहेको न्यू जोती आधारभुत विद्यालयमा रहेका ३५ जना छात्र÷छात्रालाई सुईटर कपडा वडा अध्यक्ष शाहीले वितरण गरेका हुन्। जाडो मौसममा न्यानो कपडाको अभावमा अध्ययन गर्न कठिन परेका गरिब तथा विपन्न बर्गका विद्यार्थीहरुलाई आफ्नो तलव भक्ता वापत आएको रकमबाट सानो सहयोग गरेको शाहीले बताए। उनले भने, ‘मैले चुनावको समयमा जनताको माझमा बोलेका कुरा पूरा गर्ने कुनै कमी हुँदैन महिले वडा अध्यक्षमा मलाई जनताले विजयी बनाउनु भन्दा पहिला राजनीति गर्दा कुनै सुविधा विना काम गरे भने अहिले जनप्रतिनिधि भएर जनताबाट पाएको तलब भत्त्ताको रकम जनतालाई नै फिर्ता गर्छु, यो कुनै ठुलो काम होइन्।
न्यू जोती आधारभुत विद्यालय व्यबस्थापन समितिका अध्यक्ष मान बहादुर विकले वडा अध्यक्ष शाहीले सामुदायिक विद्यालयका विद्यार्थीहरुलाई न्यानो कपडा वितरण गरेर प्रशंसनीय कार्य गरेको बताए। उनले गाउँपालिकालाई नमुना बनाउने अभियानमा आफूहरु लागेकोले उक्त अभियान सफल पार्न वडा अध्यक्ष शाहीले आग्रह गरे।
न्यू जोती आधारभुत विद्यालयका प्रधानध्यापक नवराज टमटृा ,न्यू जोती आधारभुत विद्यालय व्यवस्थापन समितिका सदस्य दल बहादुर तिरुवा, शिक्षक अभिभावक संघका अध्यक्ष पदम तिरुवा लगायतका अतिथिहरुले आफ्नो विद्यालयमा रहेका गरिब तथा विपन्न बर्गका विद्यार्थीहरुको लागि सहयोग गरेमा धन्यवाद दिएका थिए । कार्यक्रममा शिक्षीका कृष्णा विकले स्वागत मन्तव्य राख्नु भएको कार्यक्रमको सञ्चालन शिक्षक उपेन्द्र सुनारले गर्नु भएको थियो ।
यसअघि वडा अध्यक्ष शाहीले आफनै वडाका ३ सामुदायीक विद्यालयमा अक्षर सुधार कार्यक्रम सुचारु गर्नु भएको थियो। आर्थिक अवस्था कमजोर भएका पालिकाको वडा नम्बर एकमा रहेको बसन्त मुरारी नमूना माध्यामिक विद्यालयका ४ जना भाई, बहिनीलाई पोशाक खर्च स्वरुप ५/५ हजारका दरले हस्तान्तरण गर्नु भएको थियो ।
