काठमाडौँ । पाकिस्तानी सेनाले अशान्त बलुचिस्तान प्रान्तमा बन्धक बनाइएका रेल यात्रुहरूलाई उद्धार गरेको दाबी गरेको छ । सेनाले बलुच विद्रोहीहरूले २१ बन्धक र चार सैनिकको हत्या गरेको बताएको छ । यसअघि सुरक्षा बलले १९० यात्रुलाई उद्धार गरिएको बताएको थियो । रेल अपहरण गर्ने संगठन बलुचिस्तान लिबरेशन आर्मीले ५० बन्धकहरूलाई मारेको दाबी गरेको छ ।
पाकिस्तानी सेनाका प्रवक्ता लेफ्टिनेन्ट जनरल अहमद शरीफले घटनास्थलमा उपस्थित सबै ३३ विद्रोहीहरूलाई मारेर र यात्रुहरूलाई सुरक्षित रूपमा उद्धार गरेर अपरेशन सफलतापूर्वक सम्पन्न भएको जानकारी इद्येका छन् । मंगलबार जाफर एक्सप्रेस रेलमा विद्रोहीहरूले आक्रमण गर्दा २१ यात्रुको मृत्यु भएको बताए । आक्रमणमा अर्धसैनिक फ्रन्टियर कोरका चार सैनिक पनि मारिएका थिए । यद्यपि, पाकिस्तानका आन्तरिक राज्यमन्त्री तलाल चौधरीले आक्रमणमा ७०-८० विद्रोही संलग्न रहेको बताएका थिए ।
यसअघि पाकिस्तान सरकारले क्वेटामा २०० भन्दा बढी कफिन पठाएकोले आक्रमणमा मृत्यु हुनेको संख्या बढ्ने आशंका गरिएको थियो । जफर एक्सप्रेसलाई बीएलए लडाकुहरूले सुरुङमा बन्धक बनाएका थिए । रेलमा ५०० यात्रु थिए । बीएलएले २१४ जना यात्रुलाई बन्धक बनाएको दाबी गरेको छ र सेनाले कारबाही गरेमा बन्धक बनाइएकाहरूलाई मार्ने धम्की दिएको छ । बीएलएले बन्धकहरूमा आत्मघाती ज्याकेट लगाएका आत्मघाती स्क्वाड लडाकुहरूलाई राखेको थियो । जसका कारण सुरक्षाकर्मीहरूलाई अपरेशनमा कठिनाइको सामना गर्नुपरेको थियो ।
अधिकारीहरूले रेल अपहरण गर्ने केही लडाकुहरूसँग स्याटेलाइट फोनहरू पनि भएको बताएका छन् जसको माध्यमबाट उनीहरू आफ्ना ह्यान्डलरहरूसँग सम्पर्कमा थिए । मंगलबार बिहान क्वेटाबाट पेशावरका लागि छुटेको जफर एक्सप्रेसलाई सिब्बी रेलवे स्टेशनबाट बीएलएले कब्जामा लिएको थियो । बोलानको मशफाक सुरुङ नजिकैको ट्र्याक केटाहरूले उडाएका थिए ।
