तेहरान । अमेरिकी राष्ट्रपति डोनाल्ड ट्रम्पको संकेत मिल्ने बित्तिकै इस्लामिक राष्ट्र इरान माथि हमला गर्ने क्षमता भएका करिब ५० हजार अमेरिकी सैनिकले चारैतिरबाट घेरेर बसेको खुलेको छ । यसको खुलासा इरानले नै गरेको छ । इस्लामिक रिभोलुसन गार्ड्स कोर्प्स (आईआरजीसी) का एक उच्चस्तरीय कमाण्डरले सोमबार चेतावनी दिएका छन् कि यस क्षेत्रमा अमेरिकी सेनाहरू ‘सिसाको घर’ मा बसिरहेका छन् र ‘अरूलाई ढुङ्गा हान्नु हुँदैन भन्ने बुझ्नु पर्छ।’
आइआरजिसीको एयर स्पेस डिभिजनका कमाण्डर ब्रिगेडियर जनरल अमीर अली हाजिजादेहले ईद अल फित्र मनाउने क्रममा अमेरिकालाई सीधै खुला चेतावनी दिएका हुन् । प्रेस टिभीका अनुसार हाजिजादेहले भने, ‘अमेरिकीहरूको आफ्नो क्षेत्र, विशेष गरी इरानको वरिपरि १० सैन्य अड्डाहरू छन्, र यी आधार शिविरमा ५०,००० सैनिक तैनाथ गरिएको छ। यसको मतलब तिनीहरू सिसाको घरमा बसिरहेका छन् र जब कोही सिसाको घरमा बस्छन्, उसले अरूलाई ढुङ्गा हान्नु हुदैँन भन्ने बुझ्नु पर्दछ ।’
तर, यसको अर्थ यो पनि हो कि इरान आफैँ बारूदको थुप्रोमा बसेको छ र यस्तो अवस्थामा उसले अमेरिकाविरुद्ध आक्रामक मनोवृत्ति लिन उत्प्रेरित हुने खालको वक्तव्य दिनु हुँदैन भन्ने पनि उत्तिकै छन् । अमेरिकी राष्ट्रपति डोनाल्ड ट्रम्पले इरानलाई धम्की दिएपछि आईआरजीसीका शीर्ष अधिकारीको टिप्पणी आएको हो। ट्रम्पले भनेका थिए कि यदि इरानले आफ्नो आणविक कार्यक्रममा ‘नयाँ सम्झौता’ गर्न अस्वीकार गर्यो भने उसले बम आक्रमणको सामना गर्न तयार हुनु पर्छ।
ट्रम्पले आइतबार भने कि यदि इरानले अमेरिकासँग सम्झौता गरेन भने त्यहाँ भयानक बम विस्फोट हुनेछ। एनबीसी न्यूजसँगको अन्तर्वार्तामा उनले भने, ‘यदि तिनीहरूले सम्झौता गरेनन् भने त्यहाँ बम विस्फोट हुनेछ।’ त्यसमाथी, उनले इरानमा ‘सेकेन्डरी ट्यारिफ’ लगाउने धम्की पनि दिएका छन् ।
सोमबार आफ्नो एक्स खातामा पोस्टमा इरानी विदेश मन्त्रालयका प्रवक्ता इस्माइल बगाईले भनेका छन कि ट्रम्पको देशमा ‘बम विस्फोट’ गर्ने खुला धम्की विश्वव्यापी शान्ति र सुरक्षाको अपमान हो।’ एउटा देशका राष्ट्रपतिद्वारा इरान विरुद्ध ‘बमबारी’ को खुला धम्की अन्तर्राष्ट्रिय शान्ति र सुरक्षाको सारको लागि चकित पार्ने अपमान हो,’ बाघाईले लेखेका छन्
