कैलाली । जय महाकाली ग्रामीण विद्युत सहकारी संस्थाका नवनिर्वाचित अध्यक्ष हिक्मत बमले सपथ ग्रहण गरेका छन् ।
संस्थाको ११ वार्षिक चुनावी साधारणसभा बाट नवनिर्वाचित अध्यक्ष बमलाई निर्वाचन मण्डलका संयोजक कृष्ण बहादुर खत्रीले सोमबार कार्यालयमा स्वागत गर्दै सपथ ग्रहण गराएका हुन् ।
सपथ ग्रहण कार्यक्रममा उपाध्यक्ष,कोषाध्यक्ष, सचिव, र सदस्यहरुलाई समेत सोही कार्यक्रममा सपथ ग्रहण गराईएको थियो । सोही कार्यक्रममा लेखा समितिका संयोजक र सदस्यलाई समेत सपथ ग्रहण गराईएको थियोे । सपथ ग्रहण कार्यक्रममा नवनिर्वाचित अध्यक्ष,उपाध्यक्ष,कोषाध्यक्ष,सचिव , सदस्यहरु र लेखा समितिका संयोजक र सदस्यलाई र निर्वाचन मण्डलका सदस्य हरुलाई मायाको चिनो प्रदान गरिएको थियो । कोसेली एफएमका स्टेशन म्यानेजर लिला जंग शाही र वैज्ञानिक मिडियाका प्रबन्धक निर्देशक टीकाराम साउँदलाई संस्थालाई विभिन्न खण्डमा सहयोग गरेको भन्दै मायाको चिनो प्रदान गरिएको थियो ।
सपथ ग्रहण पछि कार्यक्रममा बोल्दै अध्यक्ष बमलाई विद्युत उपभोक्ताको हक र हित संरक्षण गर्न, विद्युतको बजारलाई प्रतिस्पर्धात्मक बनाउन तथा विद्युत सेवालाई भरपर्दोे, सर्वसुलभ, गुणस्तरयुक्त तथा सुरक्षित बनाउन उद्देश्यका साथ जय महाकाली ग्रामीण विद्युत सहकारी संस्थाको स्थापना भएको अध्यक्ष बमले बताए ।
