नवलपरासी । सरावल गाउँपालिका कर्मचारीहरु भ्रमणमा निस्एिपछि सेवाग्राही मर्कामा परेका छन् ।
आर्थिक वर्ष सकिन दुई महिना मात्र बाँकी रहँदा स्थानीय तहमा कामको चटारो बढेपनि कर्मचारीहरु भने भ्रमणमा निस्किएका हुन् ।
आर्थिक वर्ष सकिन लागेको बेला सबै कर्मचारीहरु शुक्रबार नै भ्रमणमा निस्किएको सरावल गाउँपालिका वडा नम्बर ३ का वडा अध्यक्ष फिरंगी चाैधरीले बताएका छन ।
प्रमुख प्रशासकीय अधिकृत बिशाल मिश्रा , लेखा अधिकृत नारायण पाण्डेय , याेजनाशाखा प्रमुख इश्वरी खनाल , कृषिशाखा प्रमुख कुलदिप मिश्रा , शिक्षा शाखाका प्रेम बहादुर थापा, पशु सेवा शाखा प्रमुख याम अर्याल ,प्रशासन शाखाका राजन बस्याल, सुचना प्रविधिशाखा रीना कुर्मी , बिपद ब्यवस्थापन शाखा अब्दुल रज्जाक, एम्बुलेन्स चालक अनिल चाैधरी , बन अधिकृत भुवन भण्डारी ,आ.ले.प अम्रित अर्याल, प्राविधिक हेमन्त चाैधरी, राेजगार सहायक मनिषा भुज,फिल्ड सहायक जमुना चाैधरी,सरावल स्वास्थ्यचाैकी प्रमुख सुमन पन्त सहितको जम्बो टोली मुस्ताङ लगाएतकाे ठाउँकाे भ्रमणमा गएपछि स्थानीयले बिरोध गरेका छन् ।
कार्यालय प्रमुख सहित कार्यालय सहयोगीकाे जम्बो टोली भ्रमणमा निस्किएपछि गाँउपालिकाको दैनिक महत्वपूर्ण सेवा प्रवाहको कार्य रोकिएको कार्यापालिका सदस्य राम निवास ठाकुरले बताए ।
गाउँपालिकाका जिम्मेवार व्यक्तिहरु भ्रमणमा जाँदा याेजना सम्झौता , भुक्तानी , अनुगम , मेलमिलाप लगाएतकाे काम प्रभावित भएको भन्दै ठाकुरले आपत्ति प्रकट गरे ।
यता कार्यालयकाे सन्दर्भमा पालिका परिसरमा आइतबार रिपोर्टिङ गर्न गएका पत्रकार ज्ञानेश्वर सहानीलाई पालिकाका प्रबक्ता तथा वडा नम्बर ४ का वडा अध्यक्ष सुरेश यादवले पालिकामा थुन्ने तथा मार्ने धम्की समेत दिइएका हुन । वडा अध्यक्ष यादवले आफू जनप्रतिनिधि मात्र नभएर नागरिक पनि भएको भन्दै हाम्रो बिरुद्धमा लेख्नेलाई तह लगाउने समेत धम्की दिइएका हुन ।
