काठमाडौं । गाजाको दक्षिणी सहर रफाहमा खाना लिन आएका मानिसहरूबीच भागदौड भएको छ । जसका कारण ३ जनाको घटनास्थलमै मृत्यु भएको छ भने ४६ जना घाइते भएका छन् । यसबाहेक ७ जना बेपत्ता रहेका छन् ।अल जजिराको रिपोर्ट अनुसार इजरायली सैनिकले हावामा गोली हानेपछि भागदौड सुरू भएको थियो । इजरायली सेनाले आफ्ना सैनिकहरूले भीडलाई नियन्त्रणमा राख्न चेतावनी गोली चलाएको बताएको छ।
गाजाका मानिसहरूलाई खाना उपलब्ध गराउन खाद्य केन्द्रहरू सुरु भइरहेका छन्। हजारौं मानिसहरूको भीड रफाह शहरको यस्तै एउटा केन्द्रमा खाना लिन भेला भएको थियो। इजरायली गोलीबारी पछि हजारौं प्यालेस्टाइनीहरू खानाको लागि केन्द्रमा पुगेका थिए।गाजाको सरकारी मिडिया कार्यालयले एक विज्ञप्तिमा भन्यो, ‘आज रफाहमा के भयो त्यो जानाजानी नरसंहार र एक स्पष्ट युद्ध अपराध हो।’
हाल एक हप्ताको लागि गाजामा सहायता पठाइने भएको छ। यस समयमा, इजरायलले गाजामा खाना वितरण गर्न नयाँ वितरण केन्द्रहरू निर्माण गर्नेछ। यी केन्द्रहरू इजरायली सेनाको निगरानीमा हुनेछन्। यसलाई अमेरिकी कम्पनीहरूले सञ्चालन गर्नेछन्।
