कैलाली । कैलाली जिल्लाको घोडाघोडी नगरपालिका वडा नं १० पहलमानपुरस्थित कलम बम मेमोरियल इंग्लिश स्कुलमा आयोजित ७४ औँ स्काउट दिवसको अवसरमा सास्कृतिक तथा पुरुस्कार वितरण कार्यक्रममा बोल्दै सुदूरपश्चिम प्रदेश प्रमुख नजिर मियाँले स्काउट गतिविधिले समाजमा सकारात्मक सन्देश दिएको बताएका थिए । उनले स्काउटमार्फत विद्यार्थीलाई सामाजिक जिम्मेवारी, सेवा भावना र नैतिक शिक्षाको गहिरो अनुभूति गराउन सहयोग पुगिरहेको उल्लेख गरे ।
कार्यक्रममा घोडाघोडी नगरपालिकाका नगरप्रमुख खडक रावतले स्काउटले मानवीय विकासलाई प्राथमिकतामा राख्दै काम गरिरहेको बताएका थिए। सुदूरपश्चिम स्काउटका प्रमुख आयुक्त नरेन्द्र थापाले प्रदेशभर स्काउट अभियान सशक्त रूपमा विस्तार भइरहेको बताउँदै यसले युवाको उज्ज्वल भविष्य निर्माणमा टेवा पुग्ने धारणा राखे।कार्यक्रममा वक्तृत्वकला, हाजिरजवाफ, चित्रकला प्रतियोगिता सम्पन्न भई विजयी विद्यार्थीलाई पुरस्कार वितरण गरिएको थियो। घोडाघोडी नगरपालिकाका उपसचिव खगेन्द्र सिंह र स्काउट अभियानी भीम अम्बईले स्काउट अभियानको प्रभावबारे प्रकाश पार्नुभएको थियो। अम्बईलाई सफल स्काउट अभियन्ताको रूपमा सम्मानसमेत गरिएको थियो। 
कार्यक्रम घोडाघोडि नगरपालिका शिक्षा शाखा प्रमुख उमेश रेग्मी, नेपाल स्काउट सुदूरपश्चिम प्रदेश सदस्यता वृद्धि आयुक्त भिम राज अ्म्मै, इलाका प्रहरी कार्यालय सुखडका प्रहरी निरीक्षक जय पार्कि, सशस्त्र प्रहरी बल पहलमानपुरका नर बहादुर सुनुवार, स्काउट अभियानीहरु बिनोद बोहरा, तोयराज जोशी, खागुदेवि बोहरा, पुष्कर अवस्थी, बिभिन्न विद्यालयका स्काउट मास्टर लगायतको कार्यक्रममा उपस्थिति रहेको थियो। स्काउट संरक्षक युवराज बमको अध्यक्षतामा सम्पन्न भएको कार्यक्रमको सञ्चालन विद्यालयका सहायक प्रअ यानेन्द्र जोशीले गर्नुभएको थियो। भने विभिन्न विद्यालयका विद्यार्थीहरुको बाक्लो उपस्थिति रहेको थियो । विभिन्न विद्यालयबाट सास्कृतिक झाँकी प्रस्तुत गरिएको थियो। घोडाघोडि नगरपालिका स्काउट वृद्धि संयोजक भिम राज अ्म्मैलाई विद्यालयले सम्मान गरेको थियो ।
हाजिरिजवाफ प्रतिक्रियामामा प्रथम कलम बम स्काउट ट्रुप, दोस्रो बसन्त मुरारी स्काउट दल, तेस्रो पायोनियर स्काउट दल भएको छ भने त्यस्तै वक्तृत्वकलामा प्रथम पायोनियर स्काउट दल, दृतिय कलम बम स्काउट दल र न्यु स्टार स्काउट दल, तृतिय बसन्त मुरारी स्काउट दल भएको थियो भने चित्रकलामा प्रथम कलम बम स्काउट ट्रुप, दृतिय राष्ट्रिय माबि नक्फोडुवा स्काउट दल स्काउट ट्रुप, तृतिय महादेवा माबि शंकरपुर स्काउट ट्रुप भएको थियो ।
