बाैनियाँ । प्रथम मुख्यमन्त्री पालिका स्तरिय कैलाली जिल्लाव्यापि फुटबल प्रतियोगिता २०८० काे सेमिफाइनल समिकरण पूरा भएको छ । साेमबार(आज) भएका अन्तिम दुई क्वाटरफाइनल खेल संगै सेमिफाइनल समिकरण पुरा भएको हाे ।
दिनको पहिलो खेलमा धनगढी उपमहानगरपालिकाले टिकापुर नगरपालिका लाई एक शुन्य गाेल अन्तरले हराउदा अन्तिम क्वाटरफाइनल खेलमा लम्किचुहा (बिएस -१५) ले समेत भजनी नगरपालिकालाई समेत समान एक शुन्यकाे गाेल अन्तरले हराउँदै सेमिफाइनलमा प्रवेश गर्न सफल भएको हाे ।
धनगढी उपमहानगरपालिका र टिकापुर नगरपालिका बिचकाे खेलकाे १४ औं मिनेटमा धनगढीका कमल देउवाले गरेको गाेलनै निर्णायक सावित भएको थियो । खेलकाे दाेस्राे हाफको अधिकांस समय टिकापुरले बललाई आफ्नो नियन्त्रणमा राखेपनि गाेल गर्न नसक्दा हार स्विकार्न बाध्य भएको हाे । साे खेलमा निर्णायक गाेल गर्ने कमल देउवानै खेलकाे म्यान अफ द म्याच बन्न सफल भएका छन् ।
त्यस्तै प्रतियोगिताकाे अन्तिम क्वाटरफाइनल खेलकाे ३६ औं मिनेटमा लम्किचुहा(बिएस-१५) का शिशिर के.सिले गरेकाे गाेल नै भजनी नगरपालिका संगकाे खेलमा निर्णायक बन्न पुगेको थियो । साे खेलकाे म्यान अफ द म्याच त्यहीँ निर्णायक गाेल गर्ने शिशिर के.सि नै बन्न सफल भएका छन् ।
भाेलि हुने पहिलो सेमिफाइनल खेलमा गाैरिगंगा नगरपालिका र धनगढी उपमहानगरपालिकाले फाइनल प्रवेशका लागि प्रतिस्पर्धा गर्दा अर्काे सेमिफाइनल खेलमा घाेडाघाेडी नगरपालिका र लम्किचुहा(बिएस-१५) का बिच फाइनल प्रवेशका लागि प्रतिस्पर्धा हुनेछ ।
मंसिर १३ गतेबाट सुरु भएको प्रतियोगितामा कैलाली जिल्लाका विभिन्न १० पालिकाका १६ टिमहरुकाे सहभमगिता रहेकाे छ । प्रतियोगिता समापन मंसिर २१ गते हुनेछ । समापनका दिन बिहान १० बजे कैलाली जिल्लाका दुई उत्कृष्ट महिला टाेलिबिच मैत्रीपूर्ण फुटबल खेलकाे आयाेजना हुने आयाेजकले जानकारी दिएको छ । प्रतियोगिताकाे बिजेताले पुरस्कार स्वरुप नगद २ लाख १ हजार ट्रफि मेडल र प्रमाणपत्र पुरस्कार स्वरुप पाउँदा दाेस्राे हुनेमा टिमले पुरस्कार बाफत नगद १ लाख ५ हजार सहित ट्रफि मेडल र प्रमाणपत्र पुरस्कार स्वरुप पाउनेछन् ।
