ओस्लो । पेट्रोल र डिजेलका सवारीसाधनलाई छाडेर अहिले विश्वका धेरै देशले विद्युतीय सवारीसाधनतर्फ बढी चासो देखाइरहेका छन् । यही कारणले गर्दा अहिले धेरै देशमा मानिसहरू पेट्रोल र डिजेलका सवारीसाधनको सट्टा विद्युतीय सवारीसाधन बढी मात्रामा खरिद गरिरहेका छन् । यसैस सन्दर्भमा युरोपेली देश नर्वेमा विद्युतीय कारले हलचल मच्चाएको छ । नर्वेजियन रोड फेडेरेसन (ओएफभी) ले एक प्रतिवेदन सार्वजनिक गरेको छ, जसअनुसार देशमा विद्युतीय कारको खरिद बिक्रीमा ह्वात्तै वृद्धि भएको छ । सन् २०२३ मा ८२.४ प्रतिशत ईभी खरिद गरिएको थियो भने सन् २०२४ मा ८८.९ प्रतिशत विद्युतीय कार खरिद गरिएको तथ्यांक सार्बजनिक भएको छ । सन् २०२४ मा १० जनामध्ये ९ जनाले विद्युतीय सवारीसाधन किनेको उसले तथ्यांक सार्बजनिक गरेको हो ।
मुलुकमा विद्युतीय सवारीसाधनको आकर्षण बढ्दै गएको अवस्थामा वातावरणलाई पनि फाइदा पुगेको छ । यो शून्य उत्सर्जन सवारीसाधनतर्फ देशको संक्रमणमा अर्को कोसेढुङ्गा भएको त्यहाँको यातायात मन्त्रालयले जनाएको छ । हालै सार्वजनिक भएको प्रतिवेदन अनुसार २०२३ को तुलनामा २०२४ मा देशमा कार खरिदको संख्या १.४ प्रतिशतले बढेको छ । सन् २०२४ मा १ लाख २८ हजार ६९१ कार खरिद गरिएको थियो । २०२४ मा खरिद गरिएका सवारी साधनमध्ये १ लाख १४ हजार ४ सय विद्युतीय सवारीसाधन खरिद गरिएको थियो ।
विद्युतीय सवारीसाधनतर्फ देशको परिवर्तनले सन् २०२५ को शून्य उत्सर्जन लक्ष्य हासिल गर्न नजिक ल्याउने विश्वास त्यहाँको सरकारले गरेको छ । ‘हामीले सन् २०२५ को लक्ष्य हासिल गर्न सकेका छैनौं तर नर्वे जत्तिकै अन्य कुनै पनि देश आउन सकेको छैन,’ ओएफभीका निर्देशक ओविन्ड सोल्बर्ग थोर्सनले पत्रकार सम्मेलनमा भने । विद्युतीय कारको बिक्री ह्वात्तै बढदा लक्ष्य नजिक पुग्न खोृजिरहेको पनि उनले बताए । तर अब पूर्ण दश प्रतिशत प्राप्त गर्न यसरी नै बिक्री कायम गर्नु पर्नेछ ।
कुन ब्रान्डका सबैभन्दा धेरै बिक्री
सन् २०२४ मा नर्वेजियन बजारमा सबैभन्दा चर्चित ब्रान्डको प्रभुत्व रहनेछ, जसमा एलन मस्कको टेस्लाले १८.९ प्रतिशतसम्म बिक्री गर्यो, त्यसपछि फोक्सवागन र टोयोटा, भोल्भो र बीएमडब्ल्यू सबैभन्दा बढी बिक्री भएको बिधुतीय सवारी साधानमा गनिएको छ । यसका साथै चिनियाँ विद्युतीय कार ब्रान्ड प्रति पनि नर्बेजियन जनताको झुकाव बढेको देखिन्छ । जस्तो कि एमजी, बिवाइडी, पोलस्टार, एक्सपेङ जस्ता चिनिया ब्रान्डको पनि उत्तिकै मात्रामा बिक्री बढेको छ। सन् २०२४ मा देशमा बिक्री हुने शीर्ष १५ ब्रान्डमा चिनियाँ ब्राण्डहरू पनि परेका छन् ।
नर्वेमा कसरी आयो विद्युतीय सवारी साधन
नर्वेले २०१६ देखि शून्य उत्सर्जन वाहनहरूको लागि काम गरिरहेको छ। सन् २०१६ मा मुलुकले सन् २०२५ सम्ममा पेट्रोल र डिजेल सवारी साधनको बिक्री पूर्णरुपमा अन्त्य गर्ने लक्ष्य राखेको थियो । यसका लागि नर्वेले कर छुट, कम टोल, निः शुल्क पार्किङ र सब्सिडी चार्जिङलगायतका सबै कुरालाई जनतालाई विद्युतीय सवारीसाधनतर्फ लैजान लागू गरेको थियो । सेप्टेम्बर २०२४ मा ओएफभी ले रिपोर्ट भनेको थियो नर्वे पहिलो देश हुनेछ, जहाँ सडकमा विद्युतीय कारहरूको संख्या पेट्रोल डिजेल गाडीहरू भन्दा बढी मात्रामा हुनेछ ।
