एसी मिलानमाथि एटलान्टा ३-२ ले विजयी

काठमाडौँ। इटालियन सिरी ए अन्तर्गत एटलान्टाले एसी मिलानलाई पराजित गरेको छ । गएराती सम्पन्न खेलमा एटलान्टाले एसी मिलानलाई ३-२ गोल अन्तरले पराजित गरेको हो । एटलान्टाको जितमा एडेमोला लुकम्यानले २ गोल गरेका थिए भने लुइस मुरिएलले एक गोल गरेका थिए । त्यस्तै मिलानका लागि ओलिभर जिराउड र लुका जोभिकले एक एक गोल गरेका थिए ।

यस खेलमा खेलको ९३औं मिनेटमा मिलानका डेभिड कालाब्रियाले रातो कार्ड पाएका थिए । यो जितपछि एटलान्टाको १५ खेलमा २३ अंक भएको छ र लिगमा सातौं स्थानमा उक्लिएको छ । त्यसैगरी मिलानको भन यस सिजनमा यो चौथो हार हो । यो हारपछि मिलानको १५ खेलमा २९ अंक रहेको छ र लिगमा तेस्रो स्थानमा छ ।

यो पोस्ट हेरेर/पढेर तपाईलाई कस्तो लाग्यो ?