रौतहट। आआफ्नो जन्मदिनको अवसरमा भोज भतेर, पूजा पाठ, दानपुन गर्ने परम्परा रहेकोमा रौतहटमा नयाँ आयामको रुपमा जन्मदिनको अबसरमा बृक्षारोपण गरिएको छ। नेपाल पत्रकार महासंघका केन्द्रिय सचिब गोबिन्द प्रसाद चौलागाईले आफ्नो जन्मदिनको अवसरमा गृहनगर रौतहटको चन्द्रपुर नगरपालिका ९ मरधरमा एक कार्यक्रमको आयोजना गरी बृक्षारोपण गरेका हुन्।
दिन प्रतिदिन रुख कटान तथा बन बिनास भइरहेको अबस्थामा सचिब चौलागाईले जन्मदिनको अवसरमा पारेर बृक्षारोपण अभियान चलाएको बताएका छन।हरेक नागरिकले आफनो जन्मदिनको अबसरमा बृक्षारोपण गर्न उनले आग्रह गरेका छन। बिरुवा रोप्ने र हेरचाह गरी हुर्काउन समेत उनको भनाई छ। जन्मदिनको अवसरमा वृक्षारोपण जस्ता अभियान सकरात्मक सोचका साथ देशब्यापी लैजाने पत्रकार चौलागाइले बताएका छन।
जन्मदिनको अबसरमा अनावश्यक खर्च गर्नेहरुको संख्या बढिरहेको अबस्थामा यस्ता अभियानले समाजलाइ सकरात्मक दिशा तर्फ लैजान सहयोग पुग्ने उनले विचार राखेका थिए। कार्यक्रममा नेपाल पत्रकार महासंघका केन्द्रिय सदस्य शिव पुरी,
जनजागृती माबि सिन्धुरेघारीका प्राचार्य शत्रुधन साह,डिभिजन वन कार्यालयका सहायक वन अधिकृत अनिल कुमार महतो लगायतका वक्ताले यस्तो अभियान देशब्यापी चलाउनु पर्ने बताएका थिए।
बृक्षारोपण कार्यक्रममा चन्द्रपुर उद्योग बाणिज्य संघका महासचिब जनकराज भारती,प्रेस चौतारीका केन्द्रिय सदस्य रमेश तिमलसिना,प्रेस सेन्टरका रौतहट अध्यक्ष सुब्बा कार्की,प्रेस युनियनका रौतहट सचिब सागर हुमागाई लगायतको उपस्थीती रहेको थियो। सचिव चौलागाईंको सक्रियतामा चन्द्रपुर नगरपालिका ९ मा स्थित जनजाग्रृती माबिमा पुस्ताकालय स्थापना,चन्द्रपुर नगरपालिका १० को मुसहर बस्तीमा बिपन्न परिवारको ६ वटा घर निमार्ण,जिल्लाको बिभिन्न स्थानमा स्वास्थ्य शिबिर,सुशासन सम्बन्धी बिभिन्न कार्यक्रमहरु गदै आएका छन ।
