दमास्कस। सिरियाका पूर्व राष्ट्रपति बसर अल असदले आफू भागेर रुस जाने नचाहेको बताएका छन ।

बिद्रोहीले राजधानी सहर दमास्कस कब्जा गरे पछि भागेर रूस पुगेका असदले सो धारणा राखेका हुन । आठ दिन अघि सिरियामा उनको शाषन पतन भए पछि उनको पहिलो बयान हो।

असदको यो भनाइ सोमबार सिरियाली राष्ट्रपतिसँग सम्बन्धित टेलिग्राम च्यानलमा राखिएको थियो, यद्यपि यो स्पष्ट छैन कि हाल यसलाई कसले नियन्त्रण गर्छ  वा उनले लेखेका हुन् वा होइनन, यो अझै स्वतन्त्र पुष्टी हुन बाँकी रहेको छ ।

उनले सिरियाली राजधानी विद्रोहीको हातमा परेपछि सिरियाली सेनाले आफ्नो स्थान छाडेको सुचना पाए पछि लटाकिया प्रान्तमा रहेको रुसी सैन्य अखडामा लडाई अभियानको निरीक्षण गर्नमात्र गएको बताएका छन ।

‘जब सो एयरबेस पनि ड्रोन हमलाद्वारा तीव्र आक्रमण हुने भनियो, त्यसपछि रुसीहरूले उनलाई मस्कोमा एयरलिफ्ट गर्ने निर्णय गरेका थिए,’ उनी भन्छन्।

अरबी र अङ्ग्रेजी दुवैमा भाषामा प्रकाशित पूर्व सिरियाली राष्ट्रपतिले भनेका छन् कि डिसेम्बर ८ मा के के भयो र कसरी उनलाई रूसी आधार शिविरमा घेराबन्दी गरिएको थियो भनेर खुलाएका छन् ।

‘मैले बेस छोड्ने कुनै व्यावहारिक माध्यम नै बनाएको थिइन् तर मस्कोले बेसको कमाण्डलाई डिसेम्बर ८ आइतवार साँझ तुरुन्तै खाली गर्ने अनुरोध गर्यो,’ विज्ञप्तिमा भनिएको छ, ‘यो दमास्कसको पतनको एक दिन पछि भएको थियो, अन्तिम सैन्य स्थितिको पतन र बाँकी सबै राज्य संस्थाहरू निष्क्रिय भएको अवस्था थियो ।’

विज्ञप्तिमा भनिएको छ कि, ‘यी घटनाहरूमा कुनै पनि बिन्दुमा मैले पद त्याग गर्ने वा शरण खोज्ने विचार थिएन्, न त त्यस्तो प्रस्ताव कुनै व्यक्ति वा पार्टीद्वारा गरिएको नै थियो।’

‘जब राज्य आतंकवादीको हातमा जान्छ र अर्थपूर्ण योगदान गर्ने क्षमता हराउँछ, कुनै पनि पद उद्देश्य शून्य हुन्छ,’ उनले भनेका छन ।

१२ दिनको अवधिमा इस्लामवादी लडाकु समूह हयात तहरीर अल शाम (एचटीएस) ले नेतृत्व गरेको विद्रोहीको हातमा सिरियाका सहर र प्रान्तहरू पर्दा असद कतै देखिएका थिएनन । यद्यपि, दमास्कसमा विद्रोहीको आक्रमणको क्रममा उनका प्रधानमन्त्रीले पनि उनीसँग सम्पर्क गर्न नसकेकाले उनी देश छोडेर भागे भन्ने अभिब्यक्ति दिए पछि स्थिति अर्को ठाउँमा पुगेको थियो ।

यही दिन अर्थात डिसेम्बर ८मा रूसी मिडियाले भने कि असदलाई रूसमा शरण दिइएको छ तर यद्यपि कुनै आधिकारिक पुष्टि भएको छैन। यसैबिचमा, सिरियामा विद्रोही समूहले संक्रमणकालीन सरकार गठन गरेर काम कारबाही जारी राखेका छन् ।