गाजा । गाजामा इजरायलको युद्धमा मृत्यु हुनेको संख्या २१ हजार ९७८ पुगेको छ । गाजाको स्वास्थ्य मन्त्रालयले गाजामा इजरायलको युद्धमा कुल मृत्यु हुनेको संख्या २१,९७८ पुगेको र ५७,६९७ जना घाइते भएको जनाएको छ ।विगत २४ घण्टामा मात्रै १३ इजरायली आक्रमणमा कम्तीमा १५६ जनाको मृत्यु भएको छ भने २४६ जना घाइते भएका छन् ।
गाजाको स्वास्थ्य मन्त्रालयका प्रवक्ता अशरफ अल कुद्राले पत्रकार सम्मेलनमा भने इजरायली हमलामा अहिलेसम्म ३ सय २६ स्वास्थ्यकर्मी मारिएका छन् ।‘युद्ध सुरु भए यता इजरायली सेनाले १४० एम्बुलेन्स र ३० अस्पतालहरू नष्ट गरेका छन भने करिब ९९ स्वास्थ्य कर्मीहरूलाई अमानवीय अवस्थामा गिरफ्तार गरिएको छ,’ उनले भने ।
