कैलाली । कैलालीको बर्दगोरिया गाउँपालिका वडा नम्बर ५ मा रहेको कोइली भूरुवा ग्रामिण विद्युत सहकारी संस्था लिमिटेडको को १७ औं वार्षिक साधारण सभा सम्पन्न भएको छ ।
सहकारी संस्थाले शनिबार आर्थिक वर्ष २०७९/२०८० काे वार्षिक साधारण सभा सम्पन्न गरेको हो।
संस्थाका अध्यक्ष विकट लाल डगौराको सभापतित्वमा भएको कार्यक्रमको प्रमुख अतिथि निवर्तमान गाउँपालिका अध्यक्ष बलिराम डगौरा रहेका थिए ।
यस्तै विशिष्ट अथितिमा तत्कालीन गाविस अध्यक्ष रामनारायण थारु रहेका थिए ।
कार्यक्रममा प्रमुख अथितिको आसन बाट बोल्दै निवर्तमान गाउँपालिका अध्यक्ष डगौरा थारुले सहकारी अहिले सम्म यहाँका उपभोक्ता हरुको आवस्यकता अनुसार काम गर्दै आएको बताए । यस्तै आगामी दिनहरुमा पनि सहकारी संस्थाले यसरी नै ग्राहकहरुलाई सेवा सुविधा दिनेमा आफू विस्वथ रहेको बताए ।
कार्यक्रममा संस्थाका सचीव हरिराम डगौराले आर्थिक वर्ष २०७९÷०८० को करिब २२ लाख ३५ हजार ४ सय ७ रुपैया ६० पैसा बराबरको आर्थिक प्रतिबेदन प्रस्तुत गरिएको थियो ।
जनता आधारभूत विद्यालयका निवर्तमान प्र. अ. रामचन्द्र कुस्मी,सुभ प्रभात कृषि सहकारी संस्थाका अध्यक्ष बालचन्द्र कठरिया,समाजसेवी ज्ञान बहादुर कठरिया, अमर सिंह कठरिया(राना), रबर सिंह कठरिया, भलभान्सा शिवनारायण कुस्मि र संस्थाका भूपू कार्यबाहक अध्यक्ष भोले राम डगौरा लगाएतका अतिथिहरुको सहभागीता रहेको थियो।
संस्थाका उपाध्यक्ष सिंह बहादुर चाैधरीको स्वागत मन्तव्य सङ्गै शुरू भएको कार्यक्रमको संचालन संस्थाका सचीव हरिराम डगौराले गरेका थिए ।
