बौनिया/तत्कालीन नेकपा एमाले, अहिलेको नेकपा ओली समूहबाट कैलालीको बर्दगोरिया गाउँपालिका ३ को वडा सदस्यमा निर्वाचित कोकिला खत्रीले गाउँमै मिनी क्रसर उद्योग सञ्चालन गरेको लामो समय भएको छ।
कुनै पनि सरकारी निकायमा उद्योग दर्ता नगरेकी खत्रीले बस्तीको बीचमा मिनि क्रसर उद्योग राखेर अवैध रुपमा स्थानीय रानीकुण्डा खोलाबाट नदीजन्य वस्तु उत्खनन् गर्दै आएको पनि उतिकै समय भयो।
तर त्यहाँ न स्थानीय तहको नजर परेको छ न त राज्यका कुनै अन्य निकायको नै। खत्रीले राति–राति नदीजन्य वस्तु प्रशोधन गर्दा उड्ने धुलोका कारण सास्ती खेप्नुपरेपनि जनप्रतिनिधि भएकै कारण कुनै निकायसँग धाउन नसकेको छिमेकीहरुको गुनासो छ।
सार्वजनिक रुपमा सञ्चार माध्यममा बोल्दा समेत अप्ठ्यारो पर्ने हो की भनेर उनीहरु प्रतिक्रिया दिन डराउने गरेका छन्। तर खत्रीको अवैध धन्दा निरन्तर चलिरहेको कुरा उनीहरु बताउँछन्।
मिनी क्रसर उद्योग अवैध रुपमा बस्तीको बीचमा सञ्चालन भइहेको कुरा वडा सदस्य खत्रीले स्वीकार गरिन् तर त्यसमा उनको आफ्नै खालको दाबी छ।
‘मेरो श्रीमानले ठेक्का पट्टा गर्नुहुन्छ। हाम्रो आफ्नै निर्माण सेवा पनि छ,’खत्रीले अनमोल अनलाईन टेलिभिजन सँग भनिन्, ‘त्यसैका लागि मेसिन खरिद गरेका थियौँ। हाल काम नभएका कारण गाउँमै जडान गरेर सञ्चालन गरेको थियौँ। स्थानीयको विरोधपछि अहिले बन्द गरिसकेका छौँ।’
खत्रीले बन्द गरिसकेको दाबी गरेपनि क्रसर उद्योग भने त्यहाँबाट हटाइएको छैन्। रातिका बेला अहिले पनि निर्वाध सञ्चालन भइरहेको उनका छिमेकी बताउँछन्।
यता वडा नं ३ का वडा अध्यक्ष करने सुनारले अनमोल अनलाईन टेलिभिजनको कार्यक्रम विकासका कुरामा कुरा गर्दै गरीब जनताको चुलो निभाउन जनप्रतिनिधि नै अग्रसर किन भने प्रश्नमा सुनारले भने मेरो कुनै पनि हात नभएको बताएका छन् । अब म जान्छु बन्द गर्न भन्छु भनुभयो आफना साथीहरु नै विकासमा एक भएर नहुँदा छिटो विकास नभएको समेत बताए ।उहाँले भन्नु भयो जसको माथि हात छ उसैले जेगरेनी हुने प्रर्वितिले यो समस्या आयको हो सुनार ले भने अब जनताले को राम्रो को नराम्रो भनेर चीन सकेको समेत बताए । दर्ता नगरी मेसिन प्रयोग गरिएको पाइए कानुनको भागेदार हुने समेत बताए।
