आइतवार, बैशाख २, २०८१

सुदूरपश्चिम प्रदेशमा विशेष रुपमा मनाइने गौरा पर्वको अवसरमा प्रधानमन्त्रीको शुभकामना

काठमाडौँर प्रधानमन्त्री केपी शर्मा ओलीले सुदूरपश्चिम प्रदेशमा विशेष रुपमा मनाइने गौरा पर्वको अवसरमा शुभकामना दिनुभएको छ ।
गौरा पर्व सुदूरपश्चिम प्रदेशको विशिष्ट साँस्कृतिक पर्व भएको उल्लेख गर्नुहँदै प्रधानमन्त्रीले सन्देशमान प्राचीन कालदेखि नै मनाइँदै आएको गौरा पर्वले पारिवार र समुदायको जीवनमा परस्पर एकता र विश्वास विस्तार गर्दै आएको बताउनुभएको छ ।

साँस्कृतिक विविधतायुक्त हाम्रो देशमा यस्ता पर्वहरु परस्पर एकताको प्रतीक रहँदै आएको र महिलालाई जन्म स्रोतकी देवीका रुपमा पूजन गर्ने हाम्रो सँस्कृतिमा स्थान अनुसार विभिन्न नामबाट तिनको सम्मान गर्ने विशिष्ट परम्पराको एक आयाम गौरा पर्व भएको प्रधानमन्त्रीले सन्देशमा उल्लेख गर्नुभएको छ ।

हाम्रो देश बहुजातीय, बहुभाषिक, बहुसाँस्कृतिक र बहुधार्मिक विशेषतायुक्त रहेको भन्दै प्रधानमन्त्री ओलीले विविधता बीचको एकता र सामाजिक सहिष्णुता हाम्रो मौलिक विशेषता रहेकोले यस विशेषतालाई थप अनुशरण गर्दै मुलुकको विकास र समृद्धि तर्फ अग्रसर हुन आह्वान गर्नुभएको छ ।

विश्वब्यापी महामारीका रुपमा फैलिएको कोभिड–१९ को प्रतिकूल अवस्थामा गौरा लगायतका चाडपर्वहरु सुरक्षित तवरमा मनाउन विशेष ध्यान प्रधानमन्त्री ओलीले आह्वान गर्नुभएको छ ।

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation