बुटवल । गायक मोहन श्रेष्ठ र गायिका साहिमा श्रेष्ठको ‘अरे क्यानाम’ बोलको म्युजिक भिडियोले छोटो समयमै एक मिलियन भ्यूज नाघेको छ। अरे क्यानम म्युजिक भिडियो दुई साता अघि सार्वजनिक भएको हो।
गायक मोहन र गायिका साहिमा दाजु बहिनी हुन्। बुटवलबाट गायनमा प्रवेश गरेकी साहिमा अहिले चर्चित गायकको परिचय बनाएकी छन्। गायक मोहनको यो पहिलो म्यूजिक भिडियो हो।
प्रेमिल शैलीको सुमधुर स्वरको यस गीतमा अमर बान्तुको शब्द र राजन राज सिवाकोटीको संगीत रहेको छ। गीतमा साहस शाक्यको संगीत संयोजन रहेको छ। डान्सिङ भर्सनको यस गीतमा राज आचार्य, सजिना श्रेष्ठ साहिमा श्रेष्ठ र प्रकाश बस्नेतको अभिनय रहेको छ।
नबराज उप्रेतीले छायाँकन गरेको यस भिडियोमा प्रविन भट्टको सम्पादन रहेको छ। सुरेन्द्र बसेल सहायक निर्देशक रहेको यस गीतको भिडियोलाई गम्भीर बिष्टको कोरियोग्राफी र निर्देशनमा तयार पारिएको हो। भिडियो गायिका श्रेष्ठको युट्युव च्यानल ‘साहिमा श्रेष्ठ’ मार्फत सार्वजनिक भएको छ।
छोटो समयमै दर्शकको रूचीमा परेपछि गायक मोहन र साहिमाले गायनमा अघि बढ्न थप प्रेरणा मिलेको प्रतिक्रिया दिएका छन्। गायक मोहन श्रेष्ठले दर्शक श्रोताले रुचाइदिएकोमा धन्यवाद दिदै गीत संगीतको क्षेत्रमा फराकिलो ढोका खुलेको बताएका छन्।
